ភ្នំពេញ៖ កញ្ញា រ៉េត ស៊ូហ្សាណា បច្ចុប្បន្នគឺជាតារាចម្រៀងស្រីវ័យក្មេង និងកំពុងតែមានកេរ្តិ៍ឈ្មោះបោះសម្លេងយ៉ាងខ្លាំង នៅក្នុងវិស័យសិល្បៈចម្រៀង។
ការចាប់ជាអាជីព ជាតារាចម្រៀងថ្មីមួយរូប នៅក្នុងផលិតកម្មរស្មីហង្សមាស បានធ្វើឱ្យតារាស្រីវ័យក្មេងរូបនេះ បានក្តោបយកនូវប្រជាប្រិយ ជាច្រើនបន្តបន្ទាប់ ពីសំណាក់ទស្សនិកជន ជាពិសេសគឺពីអ្នកគាំទ្រ ដែលជាមិត្តៗយុវវ័យផ្ទាល់តែម្តង។
មិនត្រឹមតែប៉ុណ្ណោះ ក្នុងរយៈពេលខ្លីម្ចាស់បទ«ឈប់» រូបនេះ ក៏មានបទចម្រៀងថ្មីៗជាច្រើនដើម្បីបម្រើអារម្មណ៍អ្នកស្តាប់ទូទៅ ជាពិសេសតែងបង្ហាញមុខ សឹងគ្រប់កម្មវិធីតូចធំ នានា ស្ទើរតែរកពេលសម្រាកមិនបានផង។
យ៉ាងណាមិញ បើទោះជាអតីតកូនសិស្ស ឱក សុគន្ធកញ្ញា រូបនេះមានភាពមមាញឹកបែបនេះក្ដីក៏ ហ្សាណា ឆ្លៀតរកពេលវេលាទំនេរ ដែលសល់រៀន គូរគំនូរបន្ថែមទៀត នេះបើតាមរូបភាពដែលនាង បានបង្ហោះលើបណ្ដាញសង្គម។
ទង្វើនេះ បានស្ដែងឲ្យទស្សនិកជន ជ្រាបកាន់តែច្បាស់ថា ហេតុុតែស្រលាញ់សិល្បៈគំនូរ រ៉េត ស៊ូហ្សាណា សុខចិត្តលះបង់ពេលវេលាផ្ទាល់ខ្លួនដែលមាន ដើម្បីបំពេញជំនាញដែលនាង ចូលចិត្ត ពិតជាគួរឲ្យសរសេើរមែនទែន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]