ញាក់សាច់! កំពូលអ្នកផាត់មុខល្បីឈ្មោះ Pony បង្អួតរថយន្តថ្មី​ សុទ្ធតែLamborghini

កូរ៉េខាងត្បូង៖ កំពូលអ្នកផាត់ល្បីឈ្មោះកញ្ញា Pony ជាតារាយូធូប ដែលមានអ្នកគាំទ្រជាច្រើននាក់ ចាប់អារម្មណ៍លើការផាត់មុខរបស់នាង ដែលនាងអាចផាត់មុខ បានគ្រប់បែប។

យ៉ាងណាមិញ ក្រៅពីបង្ហោះជាវីដេអូបង្រៀនតុបតែងមុខនៅលើ គេហទំព័រយូធូបហើយ កំពូលអ្នកផាត់មុខវ័យក្មេងរូបនេះ ក៏បានបង្កើតជាប៊្រេនគ្រឿងសម្អាងតុបតែងផ្ទាល់ខ្លួនផងដែរ។ លើសពីនេះទៅទៀតនោះ នាងក៏ត្រូវបានតារាល្បីៗជាច្រើន ដូចជាកំពូលតារាស្រី CL ក៏បានជ្រើសរើសនាង ជាអ្នកផាត់មុខផ្ទាល់ខ្លួនឲ្យពួកគេថែមទៀតផង។

ជាក់ស្តែង ទន្ទឹមនឹងមុខជំនួញកាន់តែរលូនទៅមុខ ថ្មីៗនេះកំពូលអ្នកផាត់មុខ Pony ក៏បានបង្ហោះរូបថតកាន់កូនសោររថយន្ត នៅលើគណនីអ៊ីនស្តារក្រាមផ្ទាល់ខ្លួន បង្ហាញពីរថយន្ត សេរ៊ីទំនើបដ៏ថ្មី ដែលនាងទើបតែទិញ។

គួរឲ្យដឹងថា រថយន្តថ្មីរបស់ Pony គឺជាប្រភេទរថយន្តម៉ាក Lamborghini Huracan Spyder ដែលមានតម្លៃចន្លោះពី ៣០០លានវ៉ុន ប្រមាណជា(២៩ម៉ឺនដុល្លារ) រហូតដល់ ៤០០លានវ៉ុន ប្រមាណជា(៣៨ម៉ឺនដុល្លារ)ផងដែរ៕

• ឡាន
• តារាកូរ៉េ