Pooklook អាយុទើបតែខ្ទង់២០ឆ្នាំសោះ តែបែរជាចង់ចាស់ជាង Aum វ័យចូល៤០ឆ្នាំ

ថៃ៖ កំពូលតារាលំដាប់ប្រទេសថៃ កញ្ញា Aum Patcharapa ដែលមនុស្សភាគច្រើន សុទ្ធសឹងតែស្គាល់នាងទាំងអស់ ដោយសារតែនាងបានប្រឡូកក្នុងវិស័យសិល្បៈជាច្រើនឆ្នាំមកហើយ និងតាមរយៈការសម្តែងរឿងភាគយ៉ាងច្រើនផងដែរ។

អ្វីដែលពិសេសនោះ គឺបើនិយាយពីសម្រស់របស់នាងវិញ សឹងតែធ្វើឲ្យតារាក្មេងជំនាន់ក្រោយសុំចាញ់ ដោយសារតែសម្រស់នាងគ្មានការប្រែប្រួលបន្តិចសោះ នៅតែលេងខ្លួន ស្អាតស៊ិចស៊ី គួរឲ្យស្រលាញ់ដដែល លើសពីនេះ អ្នកគាំទ្រជាច្រើន ស្ទើរតែមិនជឿទេ ថានាងមានវ័យចូល ៤០ឆ្នាំទៅហើយ ។

ជាក់ស្តែង កាលពីម្សិលមិញនេះ ក៏បានឃើញតារាសម្តែងស្រីម្នាក់ នាង Pooklook Fonthip បង្ហោះរូបភាព នៅក្នុងបណ្តាញសង្គមអ៊ីនស្តារក្រាម ជាមួយនឹងនាង Aum ផងដែរ។

អ្វីដែលគួរឲ្យចាប់អារម្មណ៍ និយាយនោះគឺ មានអ្នកគាំទ្រ ជាច្រើនបាននិយាយថា Pooklook Fonthip ជាតារាក្មេងជំនាន់ក្រោយ និងមានអាយុតិចជាង Aum ច្រើនទៀតផង តែសម្រស់នៅពេលថតជិតគ្នា សឹងតែចង់ចាស់ជាង Aum ទៅទៀត៕ 

• តារាថៃ