គ្រាន់តែមួយខែៗ ថន លក្ខិណា ចំណាយលើពិធីបុណ្យ មង្គលការ ខួបកំណើតតារាៗ ចូលទៅដល់ខ្ទង់ពាន់ដុល្លារ

ភ្នំពេញ៖ តារាសម្ដែងស្រី និងជាពិធីការិនី ល្បីឈ្មោះកញ្ញា  ថន លក្ខិណា សព្វថ្ងៃកំពុងទទួលបានប្រជាប្រិយភាពខ្លាំងឡើង ពីទស្សនិកជន មិនចាញ់តារាស្រីជួរមុខដទៃនោះទេ។

ជាក់ស្ដែងមួយរយៈចុងក្រោយនេះ គេតែងឃើញវត្តមាន តារាស្រីរូបនេះ បង្ហាញមុខសឹងគ្រប់កម្មវិធីនានា ក្នុងពិភពសិល្បៈ ទាំងការតុបតែងខ្លួន ពិតជាមានភាពលេចធ្លោ គួរជាទីចាប់អារម្មណ៍តែម្ដង។ 

អ្វីដែលសំខាន់ ពិធីការិនីរូបនេះ បានចំណាយលុយមិនក្រោមពាន់ដុល្លារឡើយ ក្នុងមួយខែៗ សម្រាប់ចូលរួម ក្នុងកម្មវិធីតូចធំ ទាំងនោះ ព្រោះជាទូទៅ ការរៀបចំខ្លួនរបស់កញ្ញា ពិតជាមានការត្រៀមខ្លួនយ៉ាងពិសេស មិនថាសម្លៀកបំពាក់ កាបូប ឬស្បែកជើងនោះទេ។

ជាងនេះទៅទៀត  បើទោះជា មានការងារមមាញឹកខ្លាំងយ៉ាងណា ក៏កញ្ញា នៅតែឆ្លៀតពេល ទៅចូលរួមកម្មវិធីទាំងនោះ មិនឲ្យខកខានឡើយ។

ហើយនេះ ក៏ជាហេតុផលមួយដែលធ្វើឲ្យកញ្ញា ថន លក្ខិណា ទទួលបានការរាប់អានយ៉ាងច្រើន ពីសំណាក់មិត្តរួមអាជីពផងដែរ៕  

ខាងក្រោមនេះជារូបភាព អនុស្សាវរីយ៍របស់ ថន លក្ខិណា និងម្ចាស់កម្មវិធីនានា ៖

• ថន លក្ខិណា
• រូបភាព
• តារាខ្មែរ