ភ្នំពេញ៖ តារាចម្រៀងចាស់វស្សា ដែលរស់ក្នុងទ្រនំ ហង្សមាសអស់ពេលជាច្រើនឆ្នាំ លោក ណុប បាយ៉ារិទ្ធ បានកសាងស្នាដៃមិនតិចទេ ក្នុងវិថីសិល្បៈមួយនេះ។
ជាក់ស្ដែង ថ្មីៗនេះម្ចាស់បទ«សង្សារលេងៗ» រូបនេះកំពុងមានការរវល់យ៉ាងខ្លាំង សឹងរកពេលសម្រាកមិនបាន ដោយត្រូវរួមចំណែកសម្ដែងក្នុងភាពយន្តថ្មីរឿង«រាជនីភូមិគ្រិះ» ដែលកំពុងដំណើរការថតយ៉ាងសកម្ម។
អ្វីដែល ក្ដុកក្ដួល គួរឲ្យភ្ញាក់ផ្អើលនោះ ម្សិលមិញនេះលោក ក៏បានទម្លាយអារម្មណ៍ពិតដែល បង្ហាញពីទឹកចិត្តរបស់អ្នកសិល្បៈគ្រប់គ្នា រួមទាំងលោកផ្ទាល់ ដោយរៀបរាប់យ៉ាងវែងអន្លាយលើបណ្ដាញសង្គមថា៖ « ថ្ងៃនេះការថតបានបញ្ចប់ជាស្ថាពរ នៅម៉ោង៣កន្លះ ទៀបភ្លឺ អ្នកទាំងអស់គ្នាពិតជាមានការនឿយហត់ តែដើម្បីអ្នកគាំទ្ររបស់ពួកយើង យើងបានព្យាយាមធ្វើការងារមួយនេះដោយទឹកចិត្តអំណត់ តស៊ូនៅក្នុងការងារ ។
មិនថាក្រុមផលិត អ្នកដឹកនាំរឿង អ្នកថត អ្នកផាត់មុខធ្វើសក់ អ្នកតុបតែងខ្លួន និង សម្លៀកបំពាក់ ក្រុមការងារ ក្រុមបច្ចេកទេស និងតួរសម្តែងគ្រប់ៗគ្នាពិតជាខិតខំប្រឹងប្រែងអស់ពីចិត្តពីថ្លើមពេញដោយសណ្តានចិត្តតស៊ូ ។
អរគុណដែលយើងបានរួមគ្នា ធ្វើការ ដោយទឹកចិត្ត ដោយបេះដូង ដែលស្តែងពីគុណតម្លៃដែលមានអត្ថន័យលើសពីប្រាក់កំរៃដែលទទួលបានពីថ្លៃសម្តែងទៅទៀតអាចនឹងគ្មានអ្នកប៉ាន់ស្មានដឹងថា ក្រៅពីចំណាយជាទឹកប្រាក់។
តើការងារមួយនេះត្រូវចំណាយពេល ចំណាយការគិត ចំណាយកំលាំងកាយ កំលាំងចិត្ត និងការនឿយហត់ខ្លាំងប៉ុណ្ណា ???? តែពួកយើងដឹង ព្រោះយើងមានគោលដៅរួមគ្នា គឺដើម្បីភាពជោគជ័យពីមហាជនរបស់យើង រាត្រីសួរស្តី សម្រាកដើម្បីបន្តរថតនៅថ្ងៃស្អែកទៀត» ។
គ្រាន់តែអានសារនេះភ្លាម ក៏មានទស្សនិកជន ជាច្រើន នឹកអាណិតតារាស្រីប្រុសទាំងនេះជាខ្លាំង ព្រោះតែសិល្បៈ អ្នកទាំងនោះបានប្រឹងប្រែង អស់កម្លាំងកាយចិត្ត ដើម្បីបំពេញតម្រូវការ មហាជន អ្នកគាំទ្រ តែប៉ុណ្ណោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]