ភ្នំពេញ៖ តារាចម្រៀងស្រីវ័យក្មេង សម្លេងស្រទន់ កញ្ញា ស្រីនិច កំពុងទទួលបានភាពជោគជ័យខ្លាំងមែនទែន ដោយសារទឹកដម សម្លេងដ៏ពិរោះ បូកផ្សំនិងសម្រស់ ស្រស់សោភា របស់នាង ដែលអាចឆក់យកប្រជាប្រិយភាព ពីអ្នកគាំទ្របាន យ៉ាងឆាប់រហ័ស។
ជាពិសេស នាមួយរយៈពេលចុងក្រោយនេះដែរ គេសង្កេតឃើញថា ម្ចាស់បទ«មនុស្សស្រីមានសង្សារច្រើន មិនមែនសុទ្ធតែសាវ៉ា» រូបនេះ ហាក់មានភាពមមាញឹកខ្លាំង ក្នុងការចេញបទចម្រៀងថ្មីៗនឹងត្រូវចេញច្រៀងតាមបណ្ដា ខេត្តនានាទៀតផង។
ជាក់ស្ដែង មុននេះម្ដាយរបស់តារាចម្រៀងស្រី ប្រចាំផលិតកម្មសាន់ដេ រូបនេះក៏បានបង្ហោះសារមួយ ដែលស្ដែងពីទំហំចិត្ត នៃព្រួយបារម្ភ ដោយសរសេរថា៖« ជូនកូនពៅមក Concert នៅស្រុកកោះសុទិន ខេត្តកំពង់ចាម»។
សារនេះបានបង្ហាញច្បាស់ណាស់ថា ម្ដាយរបស់ស្រីនិច ពិតជាស្រលាញ់កូនស្រីពៅ នេះខ្លាំង រហូតសុខចិត្តលះបង់ កម្លាំងកាយចិត្ត តាមថែកូនស្រី រូបនេះជាប្រចាំ មិនឲ្យផុតពី ភ្នែកទាំងគូ នេះឡើយ ជាពិសេស រាល់ពេលនាង ចេញសម្ដែងតាមកម្មវិធី នានា នៅខេត្តតែម្ដង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
