អ្នកណាៗក៏ដឹងដែរថា ការទទួលទានស្រាបៀរ (Beer) ហួសកម្រិត អាចធ្វើឱ្យប៉ះពាល់ដល់សុខភាព និងកើតមានជំងឺកាចសាហាវដល់អ្នក។ តែសម្រាប់ការទទួលទានបៀរក្នុងកម្រិតសមល្មម ពោលគឺត្រឹមមួយថ្ងៃមួយកែវ ត្រូវបានគេរកឃើញថា អាចមានប្រយោជន៍ចំពោះសុខភាពរាងកាយបានច្រើនយ៉ាងទៅវិញទេ។
ដូច្នេះមកតាមដានទាំងអស់គ្នាថាតើ គ្រាន់តែទទួលទានបៀរមួយថ្ងៃមួយកែវជួយអ្វីខ្លះដល់អ្នក៖
# គុណប្រយោជន៍នៃការទទួលទានស្រាបៀរមួយថ្ងៃមួយកែវ
ស្រាបៀរមានផ្ទុកទៅដោយ វីតាមីន B ប្រូតេអ៊ីន សារធាតុប្រឆាំងអុកស៊ីតកម្ម Flavonoids និងរ៉ែសំខាន់ៗជាច្រើនទៀត ដែលអាចជួយជំរុញដល់ប្រព័ន្ធរំលាយអាហារឱ្យកាន់តែប្រសើរ ថែមទាំងមានប្រយោជន៍ចំពោះសុខភាពផងដែរ ប្រសិនជាអ្នកទទួលទានស្រាបៀរមួយថ្ងៃ ត្រឹមតែមួយកែវប៉ុណ្ណោះ ដែលរួមមានដូចជា៖
១.ជាតិកាកសរសៃហ្វៃបឺ(Fiber) នៅក្នុងស្រាបៀរអាចជួយទប់ស្កាត់កំណកខ្លាញ់ និងជួយកាត់បន្ថយកម្រិតជាតិខ្លាញ់កូឡេស្តឺរ៉លមិនល្អចេញពីក្នុងរាងកាយ។
២. ស្រាបៀរអាចជួយបង្ការ និងការពារអាការឈាមកកក្នុងរាងកាយបានយ៉ាងមានប្រសិទ្ធភាព។
៣. ស្រាបៀរអាចជួយដល់សុខភាពតម្រងនោមឱ្យកាន់តែល្អប្រសើរ ថែមទាំងអាចកាត់បន្ថយហានិភ័យនៃការកើតក្រួសក្នុងតម្រងនោមបានដល់ទៅ ៤០ភាគរយ។
៤. សារធាតុ Silicon ដ៏ច្រើនលើសលប់នៅក្នុងស្រាបៀរ អាចជួយពង្រឹងសុខភាពឆ្អឹងឱ្យកាន់តែរឹងមាំ ថែមទាំងការពារបញ្ហាឆ្អឹងផ្សេងៗផងដែរ។
៥. ស្រាបៀរសម្បូរទៅដោយពពួកវីតាមីន B ដូចជា វីតាមីន B1 B2 B6 និង B12 ដែលជាប្រភពដែលមានប្រយោជន៍ចំពោះសុខភាព។
៦.ការទទួលទានស្រាបៀរជាប្រចាំមួយថ្ងៃមួយកែវ អាចជួយកាត់បន្ថយហានិភ័យ នៃជំងឺបេះដូង ដូចជាជំងឺគាំងបេះដូងច្រើនជាងអ្នកដែលមិនបានទទួលទានស្រាបៀរសោះដល់ទៅ ៤០ ទៅ ៦០ភាគរយ។
៧.ស្រាបៀរមានផ្ទុក Lactoflavin និង Nicotinic Acid ដែលអាចជួយធ្វើឱ្យអ្នកគេងលក់ស្រួល។
៨.ស្រាបៀរអាចមានលទ្ធភាពជួយគាំទ្រ និងពង្រឹងសុខភាពខួរក្បាល ជាពិសេសគឺអាចកាត់បន្ថយហានិភ័យនៃកើតជំងឺវង្វេងវង្វាន់ដែលកើតមានាចំពោះមនុស្សចាស់ (Alzheimer) និងជំងឺវង្វេងផ្សេងៗបានផងដែរ (Dementia)។
៩. វីតាមីន និងរ៉ែសំខាន់ៗដែលមាននៅក្នុងស្រាបៀរអាចជួយធ្វើឱ្យសុខភាពស្បែករបស់អ្នកមានភាពល្អប្រសើរជាងមុន មានស្បែកភ្លឺថ្លា និងកាន់តែស្រស់ស្អាតក្មេងជាងវ័យផងដែរ។
១០. ការទទួលទានស្រាបៀរ មួយថ្ងៃមួយកែវ ទៅពីរកែវ អាចជួយកាត់បន្ថយភាពតានតឹង និងធុញថប់ក្នុងអារម្មណ៍បានយ៉ាងប្រសើរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]