ខេត្តកំពង់ចាម ៖ អំពើវាយប្រហារដោយទឹកអាស៊ីតបានកើតឡើងកាលពីវេលាម៉ោង៤និង៣០ នាទីទៀបភ្លឺព្រឹកថ្ងៃទី៩ មីនា ២០១២ ស្ថិតនៅភូមិម្រាន់ ឃុំជាំក្រវៀន ស្រុកមេមត់ ជាហេតុបណ្តាលឲ្យបុរសចំណាស់ និងស្រីស្នេហ៍វ័យក្មេងម្នាក់បានរងរបួសរលាកក្រហល់ក្រហាយពេញ ផ្ទៃមុខនិងខ្លួនប្រាណ ស្រែកទ្រហោយំត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុក មេមត់ និងបញ្ជូនបន្តទៅសង្គ្រោះនៅមន្ទីរពេទ្យខេត្តហើយក្រោយមកត្រូវ បានអង្កការ CASC ទទួលរាប់រងនាំទៅសង្គ្រោះព្យាបាលនៅភ្នំពេញ។
លោកឌឹម ហួរ នគរបាលស្រុកមេមត់ប្រាប់ឲ្យដឹងថា អំពើវាយប្រហារដោយទឹកអាស៊ីតនេះត្រូវបានលោកវរសេនីយ៍ត្រី ឯម កុសល អធិការនគរបាលស្រុកមេមត់ បានចាត់ឲ្យកម្លាំងយុត្តិធម៌នៃអធិការដ្ឋាននគរបាលស្រុកចុះទៅកាន់កន្លែង កើតហេតុជាបន្ទាន់ទាំងព្រឹកព្រលឹម ដើម្បីស្រាវជ្រាវវែកមុខឧក្រិដ្ឋជនដែលជាអ្នកវាយប្រហារដោយទឹក អាស៊ីតនេះ។ លោកឌឹម ហួរ បានឱ្យដឹងទៀតថា មុនកើតហេតុ៣ថ្ងៃបុរសឈ្មោះយី បានវាយទៅលើស្រ្តីជាប្រពន្ធឈ្មោះឆេង ម៉ៅ អាយុ៥០ឆ្នាំ ។ ដោយហេតុតែមិនអាចទ្រាំទ្រនឹងប្តីធ្វើបាបស្ត្រីជាប្រពន្ធក៏បានរត់ចេញពី ផ្ទះបាត់មិនដឹងទៅសង្ងំនៅទីណា។
នៅយប់ថ្ងៃទី៨ មីនា បុរសឈ្មោះយី ដោយសារតែប្រពន្ធទៅបាត់ដាច់ចំណីយូរជូរមាត់ក៏ បាននាំស្រ្តីបម្រើស្រាបៀរម្នាក់ឈ្មោះស្រីល័ក្ខ ពីហាងលក់ស៊ុបមួយកន្លែងនៅភូមិមេមត់ផ្សារ ឃុំមេមត់ ស្រុកមេមត់ ទៅដេកនៅក្នុងបន្ទប់ផ្ទះរបស់ខ្លួនជាន់ខាងក្រោម ស្រាប់តែមកដល់វេលាម៉ោង៤និង៣០នាទីទៀបភ្លឺព្រឹកថ្ងៃទី៩ មីនា ក៏មានហេតុការណ៍វាយប្រហារដោយទឹកអាស៊ីតកើតឡើង បណ្តាលឲ្យរលាករលេះរលួយខ្លួនប្រាណ និងផ្ទៃមុខ ទាំង២នាក់ស្រែកទ្រហោរយំ ។ ប្រភពបន្តថា នាពេលកន្លងមកបុរសរងគ្រោះក៏ធ្លាប់បាននាំស្រីមកដេកបាន១លើក លុះលើកទី២ នេះក៏មានការវាយប្រហារដោយទឹកអាស៊ីតដែលត្រូវបានគេសង្ស័យទៅ លើស្រី្តជាប្រពន្ធដើមថា ជាអ្នកបង្ក ។
រហូតមកដល់វេលាម៉ោង២រសៀលថ្ងៃដដែល ស្រ្តីជាប្រពន្ធដើមនៅតែមិនទាន់វិលត្រឡប់មកផ្ទះវិញទេ ដែលសមត្ថកិច្ចកំពុងតាមស្វែងរក ដើម្បីបំភ្លឺពីមូលហេតុខាងលើ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
រៀបចំដោយ Ma
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]