ភ្នំពេញ៖ ក្រោយពីរៀបការរួចតារាចម្រៀងអ្នកនាង សុគន្ធ និសា នៅតែរក្សាបាននូវប្រជាប្រិយភាពរបស់ខ្លួនខ្លាំងដដែល។ ចំណែកឯការងារវិញក៏ដំណើរការរលូន និងមានភាពមមាញឹកកាន់តែខ្លាំងស្ទើរតែរកពេលសម្រាកមិនបាន។
ជាក់ស្តែងនៅថ្ងៃនេះកាលពី២ម៉ោងមុន តារាចម្រៀងអ្នកនាង សុគន្ធ និសា បានផុសនៅលើអ៊ីនស្តារក្រាមជាមួយនឹងរូបភាពមួយសន្លឹកក្នុងសភាពអស់កម្លាំង និងគេងលក់បាត់ទៅហើយ ខណៈដែលមានការ Make up នៅជាប់នៅលើមុខ និងធ្វើសក់នៅជាប់ពីលើក្បាលនៅឡើយ។
ក្នុងនោះដែរអ្នកនាង សុគន្ធ និសា ក៏បានរៀបរាប់ប្រាប់នៅលើរូបថតមួយសន្លឹកនោះថា៖ «យប់មិញម៉ោងបួន ទើបចប់ការងារ»។
នេះហើយជាជីវិតរបស់អ្នកនាង សុគន្ធ និសា បន្ទាប់ពីរៀបការរួច គឺកាន់តែរវល់ខ្លាំងឡើងជាមួយនឹងការងារសិល្បៈ។ ហើយនេះមិនមែនជាលើកទី១មួយទេ ដែលអ្នកនាងផុសរូបបង្ហាញប្រាប់ពីស្ថានភាពខ្លួនពេលប្រឡូកនៅក្នុងការងារសិល្បៈប្រចាំថ្ងៃ។
ជាពិសេសគឺពេលក្លាយខ្លួនធ្វើជាតារាសម្តែងថែមអាជីពនេះមួយទៀត គឺកាន់តែធ្វើឱ្យអ្នកនាង សុគន្ធ និសា រវល់ខ្លាំងឡើងៗ។
ហើយតាមដែលដឹងគឺបច្ចុប្បន្ននេះ អ្នកនាងក៏កំពុងមមាញឹកយ៉ាងខ្លាំង នៅក្នុងការថតរឿងភាគរបស់ទូរទស្សន៍រឿង «រាជនីភូមិគ្រឹះ» ផងដែរ ដែលគ្រោងចាក់បញ្ចាំង នៅក្នុងពេលឆាប់ៗខាងមុខផងដែរ៕
ទស្សនារូបភាពខាងក្រោមនេះដូចតទៅ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]