ថៃ៖ នៅថ្ងៃទី ២២ ខែមករាម្សិលមិញនេះ គឺជាថ្ងៃកំណើតរបស់តារាសម្តែងស្រីល្បីឈ្មោះ Kimberley គម្រប់ខួបអាយុ ២៦ ឆ្នាំគត់។ ហើយកាលពីយប់មិញ នាងក៏បានរៀបចំធ្វើពិធីជប់លៀងអបអរ ថ្ងៃខួបកំណើតយ៉ាងសប្បាយរីករាយ ជាមួយនឹងក្រុមគ្រួសារ ព្រមទាំងមិត្តភក្តិជិតស្និទ្ធជាច្រើននាក់ផងដែរ។
ជាពិសេសនោះគឺកញ្ញា Kimberley មិនភ្លេចផ្អែមល្ហែមជាមួយនឹងតារាសម្តែង Mark Prin ដែលជាសង្សារបណ្តូលចិត្តរបស់ខ្លួននោះទេ។
នៅក្នុងនោះដែរ កម្មវិធីជប់លៀងឆ្លងថ្ងៃខួបកំណើតរបស់តារាសម្តែងស្រី Kimberley គឺធ្វើឡើងតាមបែបលក្ខណៈសាមញ្ញធម្មតាៗប៉ុណ្ណោះ ដោយអ្នកមកចូលរួមលេងខ្លួនធម្មតាមិនមានការតុបតែងខ្លួនខ្លាំងនោះទេ គឺធ្វើខ្លួនដូចជាអ្នកដើរលេងនៅសមុទ្រទៅវិញ។
ជាក់ស្តែងគឺភ្ញៀវដែលបានមកចូលរួមទាំងអស់ នាំគ្នាពាក់អាវផ្កាចម្រុះពណ៌គ្នា មើលទៅប្លែកម្យ៉ាងដែរ។
មិននឹកស្មានថា Kimberley ជាតារាល្បីមួយទាំងមូល និងអាចរកចំណូលបានរាប់លានបាតក្នុងមួយឆ្នាំៗ ប៉ុន្តែបែរជារៀបចំកម្មវិធីជប់លៀងរីករាយថ្ងៃកំណើតយ៉ាងសាមញ្ញៗធម្មតាបែបនេះទៅវិញ។
ជាមួយគ្នានេះផងដែរ ក៏មានអ្នកគាំទ្រ ក៏ដូចជាអ្នកសិល្បៈជាច្រើនរូបទៀត បាននាំគ្នាផុសពាក្យជូនពរនៅក្នុងអ៊ីនស្តារក្រាមជាបន្តបន្ទាប់ ដល់ថ្ងៃខួបកំណើតរបស់តារាសម្តែង Kimberley ទៀតផង៕
ទស្សនាកម្រងរូបភាពដូចខាងក្រោមនេះទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]