រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីរថយន្តដឹកថ្មមួយគ្រឿងបានបុករះម៉ូតូ០៥គ្រឿង បណ្តាលឲ្យមនុស្ស២នាក់ ស្លាប់នៅនឹងកន្លែង ហើយម្នាក់ទៀតរងរបូសធ្ងន់ ហេតុការណ៍នេះកើតឡើងនៅវេលាម៉ោង១០ជាងព្រឹកថ្ងៃទី១៩ ខែមករា ឆ្នាំ២០១៨ តាមបណ្តោយផ្លូវ៣៦៩ នៅភូមិកោះក្របី សង្កាត់ព្រែកថ្មី ខណ្ឌច្បារអំពៅ ។
ជនរងគ្រោះដែលស្លាប់មានស្ត្រីវ័យជាង៣០ឆ្នាំម្នាក់ និងក្មេងស្រីតូចម្នាក់ អាយុ២ឆ្នាំ ត្រូវជាម្តាយកូននឹងគ្នា ។
តាមសេចក្តីរាយការណ៍បានឲ្យដឹងទៀតថា ម៉ូតូ០៥គ្រឿងដែលរថយន្តដឹកថ្មបានបុករះបានឈប់នៅមុខហាងគុយទាវនោះ ហើយក្នុងនោះក៏មានជនរងគ្រោះបីនាក់ម្តាយកូនកំពុងទិញគុយទាវនៅហាងមួយកន្លែងហ្នឹងដែរ ដែលឈរនៅក្បែរម៉ូតូគាត់ ។
ក្រោយកើតហេតុសមត្ថកិច្ចបានមកដល់ធ្វើការវាស់វែង ហើយជនរងគ្រោះក៏បានបញ្ជូនទៅមន្ទីរពេទ្យផងដែរ ចំណែករថយន្ត និងជនបង្កសមត្ថកិច្ចកំពុងចាត់ការតាមផ្លូវច្បាប់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]