ភ្នំពេញ៖ កំពូលតារាចម្រៀងប្រចាំផលិតកម្មរស្មីហង្សមាស លោកព្រាប សុវត្ថិ កាន់តែឡើងកូដខ្លាំងឡើងនៅក្នុងវិថីសិល្បៈ រួចលោកក៏បន្តដឹងដៃកូនប្រុសសង្ហាទាំងបីរបស់លោក ឲ្យចូលវិថី ធ្វើឲ្យមានការភ្ញាក់ផ្អើលយ៉ាងខ្លាំង។
ជាការពិតណាស់ កូនប្រុសទាំងបីរបស់លោក មិនត្រឹមតែ បើកសន្និសីទកាសែត ចូលផលិតកម្មរស្មីហង្សមាស ផ្លូវការនោះទេ ថែមទាំងបញ្ចេញ MV ជាលើកដំបូង បទ«កែវភ្នែក»ដែលទទួលបានការគាំទ្រយ៉ាងខ្លាំង ដោយចំនួនអ្នកចូលទស្សនារហូតដល់១លានដងឯណោះ។
ស្របពេលជាមួយគ្នានេះដែល កូនប្រុសទាំងបីរបស់លោកក្រោយពីទទួលបានការគាំទ្រខ្លាំងពីសំណាក់មហាជន ធ្វើឲ្យពួកគេទាំងបីនាក់ មានចិត្តរំភើបយ៉ាងខ្លាំង។
ដោយឡែក បើនិយាយពីកូនប្រុសច្បងរបស់លោកព្រាប សុវត្ថិ វិញ គឺលោកសុវត្ថិ មុនីវណ្ណ ត្រូវបានគេដឹងថាលោកបានសម្តែងជាមួយនឹងឪពុកតាំងតែពីក្មេងមកម្ល៉េះ តែពេលនេះក៏ ស្រាប់តែប្រទះឃើញរូបភាពកាលពីក្មេង របស់កំពូលតារាចម្រៀងលោកព្រាប សុវត្ថិ ដែលមើលទៅពិតជាដូចកូនប្រុសច្បងរបស់លោកបច្ចុប្បន្នខ្លាំងមែនទែន។
នៅក្នុងនោះ ទាំងទម្រង់មុខ រាង របស់លោកកាលពីក្មេងគឺដូចគ្នាបេះដាក់ បើមិនប្រាប់ទេ ពិតជាច្រឡំថារូបនេះ ជាកូនប្រុសរបស់លោកទៅហើយ៕
ចុះប្រិយមិត្តវិញ យល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]