ខេត្តកំពង់ធំ ៖ ឧបទ្ទវហេតុគ្រោះថ្នាក់ចរាចរមួយបានកើតឡើងកាលពីវេលាម៉ោង០៤និង០២ នាទីទាបភ្លឺ ថ្ងៃទី១៣ ខែមករា ឆ្នាំ២០១៨ ស្ថិតនៅលើកំណាត់ផ្លូវជាតិលេខ៦ ក្នុងភូមិស៊ីវុត្ថា ឃុំប្រសាទ ស្រុកសន្ទុក ខេត្តកំពង់ធំ ដែលបានបង្កឡើងរវាងរថយន្តបុករថយន្ត ក្នុងទិសដៅផ្ទុយគ្នា បណ្ដាលឲ្យរបួសធ្ងន់២នាក់ ។
ពាក់ព័ន្ធនឹងករណីគ្រោះថ្នាក់ចរាចរខាងលើ សមត្ថកិច្ចបានឲ្យដឹងថា វាបានបង្កឡើងដោយរថយន្តហ៊ីយ៉ាន់ដាយសណ្ដោងរ៉ឺម៉ក ក្បាលពណ៌ស ពាក់ស្លាកលេខ ភ្នំពេញ ៣A-០៤៩២ បើកបរពីជើងទៅត្បូង ដោយឈ្មោះ ភ័ណ សុភាព ភេទប្រុស អាយុ២៦ឆ្នាំ នៅភូមិវាលកណ្ដៀង ឃុំជប់ ស្រុកត្បូងឃ្មុំ ខេត្តត្បូងឃ្មុំ លុះមកដល់ចំណុចកើតហេតុខាងលើ បានបុកជាមួយនឹងរថយន្តម៉ាកហ៊ីយ៉ាន់ដាយមួយគ្រឿងទៀត ក្បាលពណ៌សដូចគ្នា ពាក់ស្លាកលេខ កំពង់ចាម ៣A-១៤៤៣ បើកបរក្នុងទិសដៅពីត្បូងទៅជើង ដោយឈ្មោះ មាស ថុន ភេទប្រុស អាយុ២៤ឆ្នាំ រស់នៅភូមិពៀនា ឃុំអំពិល ស្រុកស៊ីធរកណ្តាល ខេត្តព្រៃវែង យ៉ាងពេញទំហឹងលានដូចរន្ទះ ប៉ើងធ្លាក់ថ្នល់ទាំង២គ្រឿង បណ្ដាលឲ្យរបួសធ្ងន់ពីរនាក់ ។
គ្រោះថ្នាក់ចរាចរនេះ បង្កដោយអ្នកបើកបររថយន្តដែលបើកបរដោយឈ្មោះ ភ័ណ សុភាព បើកបរក្នុងស្ថានភាពងងុយដេក និងមិនប្រកាន់ស្តាំ សមត្ថកិច្ចជំនាញកំពុងចងក្រងសំណុំរឿង ចាត់ការតាមនីតិវិធី ឬឯវត្ថុតាងរក្សាទុកនៅអធិការដ្ឋាននគរបាលស្រុកសន្ទុក ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]