ភ្នំពេញ៖ ពិធីការិនី ចាន់ កែវនិមល មានឈ្មោះបោះសម្លេងអស់រយៈពេលជាយូរឆ្នាំណាស់មកហើយ នៅស្ថានីយទូរទស្សន៍ហង្សមាស និងរស្មីហង្សមាស។
ហើយបច្ចុប្បន្ននេះកេរ្តិ៍ឈ្មោះរបស់អ្នកនាង ក៏នៅតែល្បី ដោយក្តោបបានការងារធំៗជាច្រើននៅក្នុងដៃ។
ក្រៅពីរវល់នឹងការងារដ៏ច្រើន អ្នកនាង ចាន់ កែវនិមល ក៏មិនដែលភ្លេចក្រុមគ្រួសាររបស់ខ្លួនដែរ។ ជាក់ស្តែងកាលពីយប់មិញនេះ គឺជាខួបកំណើតរបស់លោក សុវត្ថិ សីលា ជាស្វាមី។
ក្នុងនោះដែរអ្នកនាង ចាន់ កែវនិមល ក៏បានធ្វើពិធីជប់លៀងអបអរថ្ងៃកំណើតជូនស្វាមី ប្រកបដោយភាពរីករាយ និងផ្អែមល្ហែមជាមួយគ្នាយ៉ាងខ្លាំង នៅក្នុងភោជនីយដ្ឋានមួយកន្លែង។
ទោះជាវ័យជ្រេបន្តិចមែន ប៉ុន្តែពិធីការិនីរូបនេះនៅតែមានភាពផ្អែមល្ហែមជាមួយស្វាមី ប្រៀបដូចជាគូស្វាមីភរិយា ដែលទើបតែរៀបការថ្មីថ្មោងដូច្នោះដែរ។
ទន្ទឹមនឹងនេះនៅក្នុងពិធីជប់លៀង ក៏មានការចូលរួមអបអរសាទរពីតារាល្បីៗដែលជាមិត្តស្និទ្ធស្នាលរបស់អ្នកនាង ចាន់ កែវនិមល រួមមានដូចជាលោក ឆន សុវណ្ណរាជ លោក សុគន្ធ ថេរ៉ាយុ និងកញ្ញា ហេង កែវនីតា ជាដើមទៀតផង៕
ទស្សនារូបភាពដូចខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]