ផ្ទុះរឿង ឡើងតម្លៃខ្លួនភ្លាម ហង្សមាស ចេញបទថ្មីឲ្យ ខេមរៈ សិរីមន្ត ភ្លែត! (មានចម្រៀង)

ភ្នំពេញ៖ ក្រោយពី កំពូលតារាចម្រៀងប្រុស ខេមរៈ សិរីមន្ត បានផ្លាស់ប្តូរទ្រនំថ្មី មកកាន់ ផលិតកម្ម រស្មីហង្សមាសរួចមក គេសង្កេតឃើញថា រូបលោក កាន់តែមានប្រជាប្រិយភាព រឹតតែខ្លាំង ជាមួយនឹងបទចម្រៀងថ្មីៗ ចេញជាបន្តបន្ទាប់។

ដូចប្រិយមិត្តបានជ្រាបហើយថា ថ្មីៗនេះក៏មាន ផ្ទុះរឿង ឡើងតម្លៃខ្លួនរបស់លោក ក្នុងរាល់ពេលឡើងសម្ដែងម្ដងៗ ដែលមានតម្លៃហូសការស្មាន ហើយរឿងនេះក៏ត្រូវបានបងប្រុសលោកបកស្រាយរួចហើយដែរ។

ប៉ុន្តែអ្វីដែលគួរឲ្យចាប់អារម្មណ៍នោះ គ្រាន់តែមានរឿងបែបនេះភ្លាម ខាងផលិតកម្ម ហង្សមាស ដែលជាជម្រកថ្មីរបស់លោក សិរីមន្ត ក៏បានបង្ហោះបទថ្មីដែលមានចំណងជើងថា « ទាហានចិត្តស្មោះ» លើបណ្ដាញសង្គមហ្វេសប៊ុក ផ្លូវការរបស់ខ្លួន តែម្តង។

គួរបញ្ជាក់ដែរថា តាំងពីលោក ខេមរៈ សិរីមន្ត ចូលផលិតកម្មថ្មី សន្ទុះនៃការគាំទ្រ នៅតែមានប្រជាប្រិយភាព មិនចាញ់មុននោះទេ ជាពិសេសខាងផលិតកម្ម ក៏តែងចេញបទថ្មីជារឿយៗជូនលោក មិនឲ្យខកបំណងឡើយ៕

ចង់ជ្រាបច្បាស់ថា បទថ្មីរបស់តារាប្រុសរូបនេះ មានអត្ថន័យ ពិរោះបែបណា តោះស្ដាប់ទាំងអស់គ្នា! 

• ខេមរៈ​ សិរីមន្ត
• ចម្រៀង
• តារាខ្មែរ