ឆ្នាំថ្មីភ្លាម មាន សូនីតា បោះទុនបើកហាងថ្មីភ្លែត តែលើកនេះ នាងលក់......

ភ្នំពេញ៖ កញ្ញា មាន សូនីតា សព្វថ្ងៃគឺជាតារាសម្តែងស្រីមួយដួង ដែលស្ថិតនៅតំណែងជួរមុខជានិច្ច បើទោះជាពេលនេះ នាងមិនសូវផ្តោតទៅលើការងារ សិល្បៈច្រើនដូចមុន ព្រោះថានាងកំពុងតែមមាញឹកជាមួយ នឹងមុខជំនួញដែលកំពុងតែរីកដុះដាលរបស់នាង។

យ៉ាងណាមិញ នៅដើមឆ្នាំ២០១៨នេះ កញ្ញា មាន សូនីតា បានបោះទុនដើម្បីបើក ហាងអាហារមួយកន្លែងថ្មីមួយទៀតហើយ បន្ទាប់ពីនាងបានជោគជ័យ លើមុខជំនួញសម្លៀកបំពាក់ ដែលមានឈ្មោះថា ផ្ទះស្រលាញ់។

ក្នុងនោះផងដែរ ហាងថ្មីរបស់តារារូបស្រស់ម្នាក់នេះ មានឈ្មោះថា «មីក្រហម» ។ ហើយមូលហេតុដែលនាង បើកហាងមីនេះ គឺដោយសារតែនាងចូលចិត្តញ៉ាំមី ទើបនាងសម្រេចចិត្តបើកហាងមួយនេះឡើង។

ទោះជាយ៉ាងណាក្តី ហេតុផលនេះក៏មិនខុសពីហេតុផល កាលពីមុនពេលដែលនាងសម្រេចចិត្ត បើកហាងសម្លៀកបំពាក់ដែលធ្វើពីក្រមាដែរ ព្រោះដោយសារតែនាង ស្រលាញ់ក្រមា ទើបនាងសម្រេចចិត្ត ធ្វើតាមអ្វីដែលស្រលាញ់៕ 

• មាន សូនីតា
• តារាខ្មែរ