ហូឡង់៖ គំនិតឆ្នៃប្រឌិតរបស់មនុស្សជាតិ ចេះតែអភិវឌ្ឍពីមួយសម័យកាល ទៅមួយសម័យកាល។ ដូចគ្នានេះដែរ ក្រុមហ៊ុនផលិតរថយន្ត កំពុងរិះរកវិធីថ្មីៗ ដើម្បីធ្វើឲ្យផលិតផលរបស់ខ្លួន គ្មានផលប៉ះពាល់ដល់បរិស្ថាន។ កាលពីដើមឡើយ រថយន្តដែលទាញយកថាមពលពីពន្លឺព្រះអាទិត្យ ពុំសូវមានប្រសិទ្ធភាពប៉ុន្មានទេ ប៉ុន្តែក្នុងពេលនេះក្រុមហ៊ុនមកពីប្រទេសហូឡង់មួយ បានសន្យាថាពួកគេនឹងពាំនាំនូវឡានមួយ ដែលពឹងផ្អែកទាំងស្រុងទៅលើពន្លឺព្រះអាទិត្យតែមួយមុខគត់។
ក្រុមហ៊ុនថ្មីថ្មោង Lightyear បានផលិតរថយន្តមួយដែលមានឈ្មោះថា Lightyear One ។ ដោយសាររថយន្តមួយនេះ មានសមត្ថភាពក្នុងការទាញយកថាមពលពីពន្លឺព្រះអាទិត្យសម្រាប់ដំណើរការទាំងស្រុង ទើបវាអាចឈ្នះនូវពានរង្វាន់ការឆ្នៃប្រឌិតដើម្បីទប់ស្កាត់បម្រែបម្រួលអាកាសធាតុ។ រថយន្ត Lightyear One អាចប្រើប្រាស់បានជាច្រើនខែ ហើយវាថែមទាំងអាចរត់ក្នុងរយៈចំងាយពី ៤០០គីឡូម៉ែត្រទៅ៨០០គីឡូម៉ែត្រ នៅពេលដែលអាគុយរបស់វាមានថាមពលពេញ។
គួរបញ្ជាក់ផងដែរថា រថយន្ត Lightyear One នឹងចេញលើកដំបូងនៅឆ្នាំ ២០១៩ ខាងមុខនេះ និងមានត្រឹមតែចំនួន ១០គ្រឿងប៉ុណ្ណោះ។ យ៉ាងណាមិញ យើងមិនទាន់ដឹងនៅឡើយទេថាតើ ឡានដ៏អស្ចារ្យមួយនេះនឹងមានតម្លៃថ្លៃយ៉ាងណានោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]