មុខរបស់ គង់ ចាន់ស្រីមុំ ចាប់ផ្តើមប្រែជាបែបនេះ បន្ទាប់ពីនាងមានផ្ទៃពោះ

ភ្នំពេញ៖ មកទល់ពេលនេះ កូនក្នុងផ្ទៃរបស់អ្នកនាង គង់ ចាន់ស្រីមុំ មានអាយុ១២ អាទិត្យហើយ។ ហើយចាប់តាំងពីមានដំណឹងល្អបែបនេះ នៅក្នុងគ្រួសារមក គេសង្កេតឃើញថា ទំនាក់ទំនងរវាងអ្នកទាំង២ ក៏កាន់តែផ្អែមល្ហែមខ្លាំងឡើងៗ ហើយមិនត្រឹមតែប៉ុណ្ណោះ ស្វាមីរបស់នាងថែមទាំងថ្នាក់ថ្នម ប្រពន្ធគ្រប់សព្វមិនឲ្យនាងលំបាក ឬទាស់ចិត្តម្តងណានោះទេ។

ប៉ុន្តែចំណែក កាលពីម្សិលមិញនេះវិញ អ្នកនាង គង់ ចាន់ស្រីមុំ បានបង្ហោះសារពិបាកចិត្ត ជាមួយនឹងរូបមួយសន្លឹក ដោយបានសុំយោបល់ពីអ្នកលេងបណ្តាញសង្គម ឲ្យជួយដោះស្រាយបញ្ហារបស់នាងថា៖ “ធ្លាប់តែឡើងមុនមួយគ្រាប់ពីរគ្រាប់ បន្តក់ឡេខ្លួនឯង២-៣យប់រាប់អស់គ្មានសល់.. តាំងពីមានទម្ងន់មកធ្វើមិចក៏មិនបាត់។ អស់វិធីហើយ មានអ្នកណាដឹងអត់ថាមិចចឹង គេថាជាកំណើតកូន ធ្វើយ៉ាងណាក៏មិនបាត់ដែរ”។

ទោះជាយ៉ាងណាក្តី ទាំងនេះគឺគ្រាន់តែជាអាការៈ ដែលអ្នកម្តាយកំពុងពរពោះទូទៅ តែងតែជួបប្រទះតែប៉ុណ្ណោះ ដូច្នេះហើយ ទើបធ្វើឲ្យអ្នកនាង គង់ ចាន់ស្រីមុំ ពិបាកចិត្តដល់ថ្នាក់បង្ហោះហ្វេសប៊ុក សុំយោបល់ពីមហាជន ព្រោះនាងពេលនេះ ប្រើផលិតផលអ្វីក៏មិនត្រូវនោះដែរ៕ 

• គង់ ចាន់ស្រីមុំ
• តារាខ្មែរ