ភ្នំពេញ៖ រឿងរ៉ាវតារាសិល្បៈនៅក្នុងសង្គម បានកើតមានឡើងជាច្រើនជាបន្តបន្ទាប់ក្នុងឆ្នាំ២០១៧ នេះ ដោយគ្មាននរណាម្នាក់បានព្រាងទុកនោះទេ។
ជាក់ស្តែងតារាស្រីទាំង៣រូបនេះ បានភ្ជាប់ពាក្យជាមួយគូស្នេហ៍របស់ខ្លួនរួចទៅហើយ ប៉ុន្តែមិនបានចូលរោងការសមតាមបំណងនោះទេ ព្រោះតែមានបញ្ហាកើតឡើង ដោយគ្មាននរណាអាចនឹកស្មានដល់។
ក្នុងនោះរួមមានដូចជា៖
១) តារាកំប្លែងស្រី វ៉ាន់ នីឡា៖ បានភ្ជាប់ពាក្យជាមួយនឹងលោក ផន រង្សី វ័យ២៤ឆ្នាំ ដែលត្រូវជាកូនប្រុសថៅកែល្ខោនបាសាក់វង់ ភី សុគន្ធី កាលពីឆ្នាំ២០១៦កន្លងទៅ។
ប៉ុន្តែអ្នកទាំងពីរស្រាប់តែជួបរឿង មិនយល់ចិត្តគ្នាប្រមាណជា៥ខែមុននេះ ហើយទំនាក់ទំនងជាគូដណ្តឹងក៏ត្រូវបានកាត់ផ្តាច់។ រហូតមកដល់ពេលនេះតារាកំប្លែង វ៉ាន់ នីឡា កូនស្រីលោកតាវ៉ិចទ័រ និងអតីតគូដណ្តឹងក៏នៅតែមិនអាចចុះសម្រុងជាមួយគ្នាដូចដើមវិញបានដែរ។
ក្នុងនោះដែរកញ្ញា វ៉ាន់ នីឡា ក៏ធ្លាប់បានបង្ហើបនៅក្នុងវីដេអូ Live លើហ្វេសប៊ុករបស់ខ្លួនថាមូលហេតុដែលបែកគ្នាជាមួយព្រោះខាងប្រុសមិនខ្វល់ មិនយកចិត្តទុកដាក់ និងមិនយល់ពីខ្លួនឱ្យបានច្រើន។
២) តារាសម្តែងកញ្ញា នី មុនីនាថ៖ បានភ្ជាប់ពាក្យជាមួយលោក អ៊ឹង សូឡាង ជាអាណិកជនខ្មែរនៅអាមេរិក ប៉ុន្តែក្រោយមកក៏ធ្លាយដំណឹងថាបោកប្រាស់ និងរំលោភលើសេចក្តីទុកចិត្តរបស់គូដណ្តឹងខ្លួន។ ក្រោយមកក៏មានការប្តឹងគ្នា ដោយអតីតគូដណ្តឹងកញ្ញា នី មុនីនាថ បានទារសំណងរាប់ម៉ឺនដុល្លារឯណោះ។ ហើយគិតមកដល់ពេលនេះរឿងក្តីរបស់អ្នកទាំងពីរក៏កំពុងតែមានការប្រឈមមុខដាក់គ្នាយ៉ាងខ្លាំង មិនងាយនឹងបញ្ចប់ឡើយ។
៣) តារាកំប្លែង ប្រិមប្រិយ៖ បានស្រលាញ់គ្នាជាមួយនឹងគូស្នេហ៍អស់រយៈពេលជាច្រើនឆ្នាំកន្លងមកហើយ ព្រមទាំងបានភ្ជាប់ពាក្យជាមួយគ្នាផងដែរ កាលពីពេលថ្មីៗនេះ ប៉ុន្តែជាអកុសលក្រោយចូលពិធីភ្ជាប់ពាក្យមិនបានប៉ុន្មានខែផង តារាកំប្លែងប្រិមប្រិយក៏បានផ្តាច់ពាក្យវិញជាមួយនឹងគូដណ្តឹងវិញ ដោយធ្លាប់បានប្រាប់នៅលើហ្វេសប៊ុកខ្លួនដូច្នេះថា៖ «ការជួប ការបែក ការព្រាត់ប្រាស់គ្នាជារឿងធម្មតា នៅលើលោកនេះគ្មានអ្វីឋិតថេរនោះទេ មិនថាមានរឿងអ្វីខ្ញុំនៅតែពេញចិត្តទទួលយកការពិត...និងធ្លាប់ពោលពាក្យថា ផ្តាច់ពាក្យ ល្អជាងលែងលះជាដើម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
