ថ្លើមគឺវាមានសារៈសំខាន់ខ្លាំងណាស់សម្រាប់សុខភាពរបស់យើង ពីព្រោះអ្វីទាំងអស់ដែលនៅក្នុងខ្លួនគឺវាត្រូវបានដំណើរការដោយថ្លើម។ ហេតុដូចនេះហើយវាជារឿងចាំបាច់បំផុតដែលយើងត្រូវតែយកចិត្តទុកដាក់ក្នុងការការពារថ្លើមឲ្យមានសុខភាពល្អ។
ជាការពិតណាស់អាហារទាំងនេះអាចជួយការពារថ្លើមរបស់អ្នកបាន៖
១. ខ្ទឹមស
ខ្ទឹមសវាមានសារធាតុជាច្រើនដែលល្អសម្រាប់ថ្លើមរបស់អ្នកដូចជាវាសំបូរជាតិ សេឡេះញ៉ូម(selenium) ដែលជួយបង្កើនប្រសិទ្ធភាពនៃសារធាតុប្រឆាំងអុកស៊ីតកម្ម និងបន្សាបរាងកាយរបស់អ្នកបាន។
មួយវិញទៀតខ្ទឹមសក៏មានផ្ទុក arginine ដែលជាអាមីណូអាស៊ីដជួយបន្ថយសរសៃឈាម និងកាត់បន្ថយសម្ពាធឈាមនៅក្នុងថ្លើមរបស់អ្នក។
លើសពីនេះទៀតខ្ទឹមសមានវីតាមីន B6 ដែលដើរតួនាទីជាភ្នាក់ងារប្រឆាំងនឹងការរលាក និងវីតាមីន C ដែលជាអ្នកការពារដ៏សំខាន់នៃរាងកាយរបស់អ្នកពីការខូចខាត។
២. ប្រេងអូលីវ
ប្រេងអូលីវវាអាចជួយថ្លើមរបស់អ្នកបានច្រើនណាស់ប្រសិនបើអ្នកប្រើវាមិនឲ្យលើសប្រមាណពីព្រោះវាផ្តល់នូវមូលដ្ឋានសារជាតិប្រូតេអ៊ីនដែលបំលែងជាតិពុលនៅក្នុងរាងកាយ ដើម្បីទទួលយកការងាររបស់ថ្លើម។
៣. បន្លែបៃតង
បន្លែពណ៌បៃតងដូចជាផ្កាខាត់ណាខៀវ ឬពពួកផ្កាស្ពៃដទៃទៀតវាជួយថ្លើមបង្កើតអង់ស៊ីមដើម្បីកម្ចាត់ជាតិពុល ក៏ដូចជាជួយក្នុងការការពារថ្លើមរបស់អ្នកពីសារធាតុគីមីដែលបានមកពីអាហារដែលអ្នកបានបរិភោគ និងបរិស្ថានជុំវិញទទៀតផង។
៤. តែបៃតង
អ្នកវិទ្យាសាស្រ្តបាននិយាយថាតែបៃតងសម្បូរដោយសារធាតុប្រឆាំងអុកស៊ីតកម្មដូចជា catechines ដែលវាជួយក្នុងការការពាររាងកាយពីប្រភេទផ្សេងៗនៃជំងឺមហារីក។
៥. ពពួកផ្លែក្រូច
ពពួកផ្លែក្រូចដូចជាក្រូចឆ្មារ និងក្រូចសំបកលឿងជាដើម ពពួកនេះវាមិនត្រឹមតែផ្ទុកវីតាមីន C ប៉ុណ្ណោះទេប៉ុន្តែវាក៏មានផ្ទុក glutathione ដែលត្រូវបានបញ្ចេញដោយថ្លើមនៅក្នុងការបង្កើតអង់ស៊ីមដើម្បីកម្ចាត់ជាតិពុល។ ម្យ៉ាងទៀតវាចូលរួមក្នុងការផលិត និងការស្ដារឡើងវិញនៃជាលិកា ផលិតកម្មគីមី ប្រូតេអ៊ីន និងការងើបឡើងវិញនៃប្រព័ន្ធភាពស៊ាំ។
៦. គ្រាប់ Walnuts
គ្រាប់ Walnut មានផ្ទុកនូវសារធាតុ arginine ក៏ដូចជា glutathione និងអាស៊ីតខ្លាញ់អូមេហ្គា 3 ដែលជួយថ្លើមក្នុងការបន្សាបជាតិពុល។
មិនត្រឹមតែប៉ុណ្ណោះគ្រាប់ Walnut វាក៏សំបូរទៅដោយជាតិអង់ទីអុកស៊ីដង់ និងថែមទាំងជួយការពារមិនឱ្យមានជាតិខ្លាញ់នៅក្នុងថ្លើមបានទៀតផង។
៧. ផ្លែប៉ោម
ផ្លែប៉ោមសម្បូរទៅដោយសារធាតុបិចទីន(pectin) ដែលចាំបាច់ក្នុងការសម្អាតរាងកាយ និងដកជាតិពុលចេញពីបំពង់រំលាយអាហារដែលវាជួយក្នុងការកាត់បន្ថយបន្ទុកលើថ្លើមរបស់អ្នក។
៨. រមៀត
សារធាតុសកម្មចម្បងរបស់រមៀតគឺម្ស៉ៅរមៀតដែលជាសារធាតុប្រឆាំងអុកស៊ីតកម្មដ៏ខ្លាំងក្លា និងជាភ្នាក់ងារប្រឆាំងនឹងការរលាក។ ម្យ៉ាងទៀតវាជួយការពារចរន្តទឹកប្រមាត់បង្កើនល្បឿនទឹកប្រមាត់ និងជួយសម្អាតថ្លើមបានទៀតផង។
ទន្ទឹមនឹងនេះម្ស៉ៅរមៀតក៏ជួយជម្រុញកោសិកាថ្លើមក្នុងការរារាំងជាតិពុល និងជាតិអាល់កុលដែលជាធាតុបង្កឲ្យមានគ្រោះថ្នាក់ដល់សុខភាព។
៩. ផ្លែបឺរ
ផ្លែបឺរគឺជាអាហារដ៏អស្ចារ្យដែលថ្លើមត្រូវការពីព្រោះវាផ្ទុក glutathione រួមជាមួយវីតាមីន C និង វីតាមីន E ដែលដើរតួជាសារធាតុប្រឆាំងអុកស៊ីតកម្មដើម្បីបន្សាបនូវរ៉ាឌីកាល់សេរី និងការពារកោសិកាថ្លើមពីការខូចខាត។
ចំណែកឯវីតាមីន E និង វីតាមីន K ដែលមាននៅក្នុងផ្លែឈើមួយនេះគឺជាសារធាតុប្រឆាំងនឹងការរលាកដែលការពារថ្លើមពីផលប៉ះពាល់ទៀតផង។ មួយវិញទៀតខ្លាញ់ល្អដែលមាននៅក្នុងផ្លែបឺរក៏អាចគ្រប់គ្រងកម្រិតកូឡេស្តេរ៉ុលបានផងដែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]