ត្រជាក់ខ្លាំងប៉ុន្មានថ្ងៃនេះ ធ្វើឲ្យ សុខ សោម៉ាវត្តី ធ្លាក់ខ្លួនឈឺ ជំងឺចង់គ្រប់មុខ

ភ្នំពេញ៖ រយៈពេលប៉ុន្មានថ្ងៃចុងក្រោយនេះ អាកាសធាតុនៅក្នុងប្រទេសកម្ពុជា ចាប់ផ្តើមចុះត្រជាក់ខ្លាំង នៅទីក្រុងភ្នំពេញ។

យ៉ាងណាមិញ ស្របពេលអាកាសធាតុ មានការប្រែប្រួលខ្លាំងបែបនេះ ចំពោះសុខភាពរបស់យើងគ្រប់គ្នា ក៏មានការប្រែប្រួលទៅតាមនោះដូចគ្នា ។

ដោយឡែក បើក្រឡេកមក តារាសម្តែង និងពិធីការិនី អ្នកនាង សុខ សោម៉ាវត្តីវិញ រយៈពេលប៉ុន្មានថ្ងៃនេះ ក៏ធ្វើឲ្យនាងធ្លាក់ខ្លួនឈឺ មិនតិចនោះដែរ នេះបើផ្អែកទៅលើគណនីហ្វេសប៊ុកផ្ទាល់ខ្លួន របស់នាងបានបង្ហោះកាលពីប៉ុន្មាននាទីមុន ដោយបានសរសេរថា៖ “មេឃត្រជាក់ចឹងវាល្អហើយសម្រាប់អ្នកអត់ឈឺ តែខ្ញុំរងារញាក់៣ថ្ងៃហើយ ផ្ដាសាយ ហឹងត្រចៀក ឈាមច្រមុះ ហៀរសំបោរចេញឈាម ឈឺក្បាលចង់បែក ។ បើមេឃប្រណីខ្លះក៏ល្អ” ។

ទោះជាយ៉ាងណាក្តី អាកាសធាតុបែបនេះ បើសម្រាប់មនុស្សធម្មតា គឺល្អបំផុត តែបើសម្រាប់មនុស្សដែលឈឺវិញ គឺនឹងមិនងាយជាសះស្បើយនោះទេ ហើយថែមទាំងឈឺធ្ងន់ដូចអ្នកនាង សុខ សោម៉ាវត្តី៕ 

• សុខ សោម៉ាវត្តី