ភ្នំពេញៈ ក្មេងស្ទាវ២ក្រុមជិះម៉ូតូដេញវាយគ្នាយ៉ាង អនាធិបតេយ្យ ហើយជ្រុលទៅបុករថយន្តវីហ្គោដួល ម៉ូតូសន្លប់ស្តូកស្តឹងម្នាក់ បង្កការភ្ញាក់ផ្អើល និងកកស្ទះចរាចរណ៍នៅលើដងផ្លូវ១៦៣ កែងនឹងផ្លូវ៤៨០ ជិតភោជនីដ្ឋានណាំទ្រា សង្កាត់ទូលទំពូង២ ខណ្ឌចំការមន នាវេលាម៉ោង ៧ និង១០នាទីយប់ ថ្ងៃសុក្រ ខែមីនា ឆ្នាំ២០១២នេះ ដោយឡែកក្មេងស្ទាវមួយក្រុមទៀត បានជិះម៉ូតូគេចខ្លូនបាត់ស្រមោល។

សាក្សីនៅកន្លែងកើតហេតុ បានឲ្យដឹងថា នៅវេលាម៉ោងកើតហេតុខាងលើ ក្រុមក្មេងស្ទាវ២ក្រុម ដែល ចូលចិត្តនាំបញ្ហាឲ្យសង្គម ក្រុមគ្រួសារ មានគ្នា៤ទៅ៥នាក់ បានជិះម៉ូតូដេញវាយគ្នាយ៉ាងលឿន ដោយ គ្មានខ្លាចញញើតអ្វីឡើយ បង្ករឲ្យមានការភ្ងាក់ផ្អើលដល់ប្រជាពលរដ្ឋនាំគ្នាចេញមកមើល។

សាក្សីបន្តថា ខណៈដែលក្រុមក្មេងដែលជាគំរូអាក្រក់ និងគួរឲ្យស្អប់ខ្ពើមក្នុងសង្គមនោះ កំពុងជិះម៉ូតូ ដេញវាយគ្នា ស្រាមក្មេងស្ទាវម្នាក់ បានជិះម៉ូតូយ៉ាងលឿនជ្រុលចង្កូតទៅបុកជាមួយរថយន្តវីហ្គោ ដែល កំពុងបើកលើផ្លូវ១៦៣ សំដៅទៅផ្សារទូលទំពូង ពេញទំហឹងបណ្តាលឲ្យដូលខ្លួនឯង រងរបូសធ្ងន់សន្លប់ ស្តូកស្តឹងមួយសន្ទុះធំ។

សាក្សីបានឲ្យដឹងទៀតថា ជនរងគ្រោះជាក្មេងស្ទាវខាងលើ ឈ្មោះ ពៅ ភេទប្រុស អាយុ ១៧ឆ្នាំ បន្ទាប់ ពីដេញវាយគ្នាទំនងជាភ័យពេក ទើបជិះជ្រុលទៅបុកនឹងរថយន្តតែម្តង។ ក្រោយពេលកើតហេតុជនរង គ្រោះត្រូវបានរថយន្តសង្គ្រោះរបស់មន្ទីរពេទ្យរុស្សី ដឹកទៅភ្លាមៗផងដែរ។ ដោយឡែកភាគីក្មេងស្ទាវ មួយក្រុមផ្សេងទៀត ក្រោយពេលឃើញគូជម្លោះរបស់ខ្លួន ជួបគ្រោះថ្នាក់ចរាចរណ៍ហើយនោះ ពួកគេ បានជិះម៉ូតូគេចខ្លួនបាត់អស់ទៅ៕

ផ្តល់សិទ្ធដោយ ដើមអម្ពិល

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]