ធ្លាប់ឆ្ងល់ទេថា ហេតុអ្វីបានជាតារាទាំងអស់នេះ ប្រើប្រាស់មីក្រូហ្វូនច្រៀងប្លែកពីគេ?

កូរ៉េខាងត្បូង៖ កូរ៉េខាងត្បូងគឺជាប្រទេសមួយដែលមានភាពរីកចម្រើនខ្លាំងខាងផ្នែកវិស័យសិល្បៈ។ ដើម្បីក្លាយខ្លួនទៅជាតារាដែលមានកេរ្តិ៍ឈ្មោះល្បីល្បាញប្រចាំនៅក្នុងវិស័យចម្រៀងប្រចាំនៅក្នុងប្រទេសមួយនេះបាន តារាទាំងនោះត្រូវស្វែករកអ្វីដែលថ្មីៗ ប្លែកដើម្បីបង្ហាញអំពីអត្តសញ្ញាណខ្លួនឯងផង និងដើម្បីទាក់ទាញចំណាប់អារម្មណ៍អ្នកទស្សនាផង។

ដើម្បីឆ្លើយតបទៅនឹងតម្រូវការមួយនេះ តារាទាំង ៨ដួងនេះ ក៏មានសម្រេចជ្រើសរើសយកការកែច្នៃមីក្រូហ្វូនច្រៀងឲ្យមានភាពខុសប្លែកពីគេ ដើម្បីតំណាងឲ្យស្តាយ៍ផ្ទាល់ខ្លួនផង និងដើម្បីចាប់យកចំណាប់អារម្មណ៍របស់អ្នកគាំទ្រផង។ ដើម្បីដឹងថាតើតារាទាំង ៨ដួង នោះមានតារារូបណាខ្លះ តោះតាមដានទាំងអស់គ្នា៖

១. G-Dragon

G-Dragon ត្រូវបានគេចាត់ទុកថាជាតារាលំដាប់កំពូលម្នាក់ដែលមានកិត្តិនាមល្បីល្បាញយ៉ាងខ្លាំង។ ដើម្បីឲ្យសាកសមទៅនឹងកេរ្តិ៍ឈ្មោះរបស់គេ តារារូបនេះមានសម្រេចឲ្យគេកែច្នៃមីក្រូហ្វូនច្រៀងផ្ទាល់ខ្លួនមានពណ៌មាស ហើយមានដងរាងជាសត្វនាគ ថែមទៀតផង ព្រោះវាសាកសមជាមួយឈ្មោះរបស់គេ G=មាស Dragon=នាគ។

២. IU

ចាប់ពីឆ្នាំ ២០១៤មក តារាស្រីរូបនេះបានប្រើប្រាស់មីក្រូហ្វូនច្រៀងជាផ្លូវការដែលមានពណ៌ស្វាយ ព្រោះវាសាកសមជាមួយនាង និងវាជាពណ៌ដែលនាងចូលចិត្តផងដែរ។

៣. Park Hyo Shin

តារាម្នាក់នេះគឺចូលចិត្តជីវិតជាឯកជន និងមានសម្លេងថ្លាល្អ ហេតុដូចនេះហើយ រូបគេក៏បានសម្រេចជ្រើសរើសមីក្រូច្រៀងពណ៌ស ដើម្បីបញ្ជាក់ពីភាពស្ងប់ស្ងាត់ និងសម្លេងដ៏ល្អរបស់គេ។

៤. Zico

មីក្រូហ្វូនច្រៀងដែលតារារូបនេះសម្រេចជ្រើសរើសនោះគឺ ពណ៌ក្រហម និង ពណ៌ លឿង ព្រោះរូបគេចូលពណ៌ទាំងពីរនោះខ្លាំង និងសាកសមជាមួយនឹងប្រភេទបទចម្រៀងដែលគេច្រៀងផងដែរ។

៥. Tiffany

តារាស្រីរូបនេះបានសម្រេចយកមីក្រូហ្វូនច្រៀងដែលមានពណ៌ខ្មៅហើយមានពន្លឺចាំងព្រិចៗដូចជាពន្លឺពេជ្រអ៊ីចឹង ព្រោះនាងគិតថា វាសាកសមជាមួយនឹងរូបរាងកាយនាង។

៦. BIGBANG

ដើម្បីបង្ហាញអំពីការសាមគ្គីគ្នាជាក្រុមមួយ ក្រុមចម្រៀងដ៏ល្បីល្បាញមួយនេះបានសម្រេចជ្រើសយកមីក្រូហ្វូនច្រៀងពណ៌ប្រាក់។ បន្ថែមលើសពីនេះទៅទៀតនោះ ពណ៌មួយនេះក៏តំណាងឲ្យភាពល្បីល្បាញ និងបង្ហាញថា ពួកគេគឺជាតារាលំដាប់ខ្ពស់នៅក្នុងវិស័យ K-Pop។

៧. HIGHLIGHT

ជាក់ស្តែងទៅ នៅពេលដែលច្រៀងបែកគ្នា ពួកគេម្នាក់ៗបានជ្រើសរើសយកមីក្រូហ្វូនច្រៀងដែលមានរចនាបទខុសៗគ្នា។ ក៏ប៉ុន្តែ នៅពេលដែលចូលជាក្រុម ពួកគេបានសម្រេចជ្រើសរើសយកពណ៌ប្រាក់ ដើម្បីបង្ហាញពីភាពសាមគ្គីគ្នា។ ម្យ៉ាងវិញទៀត ដើម្បីឲ្យមីក្រូហ្វូនរបស់គេកាន់តែប្លែក គេបានចុះហត្ថលេខានៅលើមីក្រូហ្វូនរបស់គេ។ 

៨. BLACKPINK

ក្រុមចមម្រៀងស្រីមួយនេះ បានសម្រេចជ្រើសរើសយកមីក្រូហ្វូនច្រៀងពណ៌ផ្កាឈូកដើម្បីតំណាងឲ្យភាពសាមគ្គីគ្នា និងបង្ហាញឲ្យឃើញថា រូបគេគឺជាព្រះនាងនៅក្នុងផលិតកម្ម YG៕