រាជធានីភ្នំពេញ ៖ យុវជនម្នាក់បានមករើសកំប៉ុងក្នុងរោងការ ស្រាប់តែឃើញភ្ញៀវទុកកាបូបយួរដៃលើតុ ក៏បន្លំលួចយករត់គេចខ្លួន ហេតុការណ៍នេះបង្កភ្ញាក់ផ្អើលកាលពីម៉ោង២១និង៤៥នាទីយប់ ថ្ងៃទី១៦ ខែធ្នូ ឆ្នាំ២០១៧ នៅចំណុចផ្លូវបេតុង ភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ។
យុវជនសង្ស័យឈ្មោះ ស៊ូ ដេវិត អាយុ១៦ឆ្នាំ មុខរបរនិងស្នាក់នៅមិនពិតប្រាកដ។ ចំណែកឯ ម្ចាស់កាបូបឈ្មោះ សន ស្រីពៅ ភេទស្រី អាយុ៤១ឆ្នាំ មុខរបរកាត់ដេរ ស្នាក់នៅភូមិសាមគ្គី សង្កាត់ឫស្សីកែវ ខណ្ឌឫស្សីកែវ។
បើតាមសម្តីម្ចាស់កាបូបបានប្រាប់ថា មុនកើតហេតុគាត់បានមកចូលរួមពិធីមង្គលការបងប្អូននៅចំណុចខាងលើ ដោយយួរកាបូបដៃមកជាមួយផង លុះដល់ម៉ោងចាប់ផ្តើមកម្មវិធីរាំលេងផង គាត់ក៏ទុកកាបូបនៅលើតុដោយជាប់រវល់មើលអ្នករាំភ្លេចខ្លួន ស្រាប់តែយុវជនសង្ស័យនោះធ្វើសកម្មភាពលួចយកកាបូបគាត់ ហើយរត់គេចខ្លួន ប៉ុន្តែភ្លាមៗគាត់ឃើញទាន់ក៏ស្រែកចោរៗលួចកាបូប ពេលនោះបានបងប្អូនគាត់ដេញតាមពីក្រោយ និងឃាត់ខ្លួនបានរួចដកហូតបានកាបូបមកវិញ។ ម្ចាស់កាបូបបញ្ជាក់បានប្រាប់សមត្ថកិច្ចថា ក្នុងកាបូបរបស់គាត់មានលុយជាង៣០០ដុល្លារ លុយរៀលជិត៣០ម៉ឺន និងទូរស័ព្ទដៃមួយគ្រឿង។
បច្ចុប្បន្នយុវជនសង្ស័យត្រូវបានឃាត់ខ្លួនយកមកកាន់អធិការដ្ឋាននគរបាលខណ្ឌសែនសុខ រង់ចាំកសាងសំណុំរឿងទៅសាលាដំបូងរាជធានីភ្នំពេញនៅពេលក្រោយ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]