កូនស្រីមហាសេដ្ឋីកាស៊ីណូ បង្ហាញថា នាងទាំងស្អាត និងមានខួរក្បាលឆ្លាតវៃ ក្នុងទីក្រុងប៉ារីស!

តើកូនអ្នកមានទ្រព្យសម្បត្ដិ និងល្បីឈ្មោះ នឹងបង្ហាញពីសកម្មភាពអ្វីខ្លះរបស់ពួកគេ នៅពេលដែលប្រឡូកចូលក្នុងសង្គម?

ក៏ដូចជានាង ​Alice Ho ដែលជាកូនស្រីមហាសេដ្ឋីកាស៊ីណូហុងកុងលោក Stanley Ho បានមានវត្ដមាននៅក្នុងកម្មវិធីដើរម៉ូត Bal des debutantes (le Bal) ដែលប្រារព្ធឡើងនៅក្នុងទីក្រុងប៉ារីស ប្រទេសបារាំង ដែលនាងបានបង្ហាញពីភាពទាក់ទាញ និងការចាប់អារម្មណ៍មិនធម្មតានោះទេ​ នៅក្នុងចំណោមមុខមហាជន។

តាមរយៈរ៉ូបផាយដែលជាម៉ាក Dior នាង Alice Ho មានវ័យ១៨ឆ្នាំរូបនេះ បានក្លាយជាមនុស្សដ៏ចាប់អារម្មណ៍ម្នាក់ក្នុងកម្មវិធីនេះ ហើយនាងក៏ជាជនជាតិចិនតែម្នាក់ ដែលត្រូវបានអញ្ជើញមកចូលរួមនៅក្នុង le Bal នេះ អមដំណើរជាមួយនឹងអ្នកម្ដាយនាង Angela Leong។ អ្វីដែលកាន់តែចាប់អារម្មណ៍ពីនាងនោះគឺ នាងបានឡើងបង្ហាញពីសមត្ថភាពជំនាញភាសា ដូចជានាងចេះនិយាយភាសាចិនកាតាំង, ចិនកុកងឺ, បារាំង និងជប៉ុនផងដែរ ដែលនេះអាចនិយាយថា នាងមានទាំងរូបសម្រស់ និងខួរក្បាលដ៏ឆ្លាតវៃ។

គួរឲ្យដឹងថា Alice Ho គឺជាកូនពៅ ក្នុងចំណោមបងប្អូនទាំង ១៧នាក់របស់នាង ដែលនាងត្រូវបានឪពុកនាងនិយាយថា នាងជាកូនដ៏ស្រស់ស្អាតជាងគេ ហើយសព្វថ្ងៃនេះ នាងកំពុងតែសិក្សាផ្នែកគណិតវិជ្ជា និងវិទ្យាសាស្ដ្រកំព្យូទ័រ នៅឯវិទ្យាស្ថានបច្ចេកវិទ្យារដ្ឋម៉ាសាឈូសិតដ៏ល្បីល្បាញ។

ទស្សនារូបភាពរបស់នាង Alice Ho ខាងក្រោមទាំងអស់គ្នា៖

• ម៉ូត
• រូបភាព