អង់គ្លេស៖ ក្លិប Manchester United ហាក់បីដូចជាមានសភាពទម្រង់លេងធ្លាក់ចុះ បើប្រៀបធៀបទៅនឹងទម្រង់លេងរបស់គេ នៅដើមរដូវកាល ដែលនេះអាចមកពីការអវត្តមានកីឡាករសំខាន់ៗមួយចំនួន។
យ៉ាងណាមិញ កីឡាករ Eric Bailly បានខកខានបង្ហាញខ្លួន ឲ្យក្រុមបិសាចក្រហមចំនួន ៨ប្រកួតហើយ បន្ទាប់ពីគេបានរងរបួសកជើងកាលពីខែមុន ក្នុងពេលធ្វើការប្រកួតឲ្យក្រុមជម្រើសជាតិកូតឌីវ័រ។
ដោយឡែក ក្នុងបទសម្ភាសន៍មួយ កាលពីយប់មិញនេះ លោក Jose Mourinho បានអះអាងថា របួសរបស់ខ្សែការពារសញ្ជាតិកូតឌីវ័ររូបនេះ អាចនឹងមានសភាពធ្ងន់ធ្ងរ រហូតឈានដល់ការវះកាត់ទៀតផង ប្រសិនបើការព្យាបាលរបួសតាមធម្មតាមិនមានប្រសិទ្ធភាពនោះ។
គួរបញ្ចាក់ផងដែរថា ខ្សែការពារកណ្តាល ដែលក្លិប Manchester United អាចពឹងផ្អែកបានក្នុងពេលនេះ រួមមាន កីឡាករ Chris Smalling កីឡាករ Phil Jones កីឡាករ Victor Lindelof និងកីឡាករ Marcos Rojo ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]