Mark សឹកមិនទាន់បានប៉ុន្មានផង ធ្វើរឿងមួយ ជាមួយនឹងសង្សារ

ថៃ៖ ក្រោយពីការបួសសងគុណមាតាបិតា របស់តារាសម្តែងប្រុសរូបសង្ហា របស់ប៉ុស្តិ៍លេខ៣ថៃ លោក Mark Prin ត្រូវបានបញ្ចប់កាលពីប៉ុន្មានថ្ងៃមុននេះ តារាប្រុស Mark ក៏បានមកផ្ទះជួបជុំគ្រួសារវិញ និងទៅបន្តធ្វើកិច្ចការងារ ប្រចាំថ្ងៃរបស់ខ្លួនដូចដើមផងដែរ។

ជាការពិតណាស់ ក្នុងនោះអ្នកគាំទ្រក៏ចាប់អារម្មណ៍ឃើញថា ខណៈលោកMark Prin សឹកមិនទាន់បានប៉ុន្មានផង លោកក៏ប្រញាប់ទៅជួបសង្សារភ្លាម ដែលគេស្គាល់ថា ជាតារាសម្តែងរបស់ប៉ុស្តិ៍លេខ៣ កញ្ញា Kimberley។

យ៉ាងណាមិញ តាមរយៈការបង្ហោះរបស់តារាទាំងពីរដួងនេះ គឺយើងឃើញថា លោក Mark បានបើកឡានជូន Kimberley ដើរលេង ក៏ដូចជាបានថតរូបរបស់នាង បង្ហោះនៅលើអ៊ិនស្តាក្រាម ដែលជាចំណង់ចំណូលចិត្តរបស់អ្នកទាំងពីរ និងជាអ្វីដែលពួកគេតែងតែធ្វើជាមួយគ្នាញឹកញាប់ផងដែរ។

បន្ថែមពីនេះ បើតាមការរៀបរាប់របស់ Kimberley នាងបានលើកឡើងថា ក្រោយសង្សាររបស់នាង លោក Mark សឹកមក គឺលោកមានចរិតខុសប្លែកច្រើន ដោយលោកមិនឆេវឆាវ មិនសូវនិយាយស្តីច្រើន ស្ងប់ស្ងាត់ និងសម្ងំនៅក្នុងផ្ទះ មិនសូវបើកឡានចេញដើរលេងច្រើន ដូចជាកាលលើកមុនឡើយ។

ប៉ុន្តែមិនថាយ៉ាងណា មួយរយៈពេលទៀត លោក Mark Prin នឹងវិលមកធ្វើការងារសិល្បៈ ជាធម្មតាវិញហើយ៕