វិធីព្យាបាលគ្រុន ផ្តាសាយ និងហៀរសម្បោរ ដោយប្រើស្រោមជើង មើលទៅវាគួរឱ្យចម្លែក ប៉ុន្តែតាមការសិក្សាស្រាវជ្រាវរបស់វេជ្ជបណ្ឌិត Jamey Wallace ដែលជាប្រធានមជ្ឈមណ្ឌលស្រាវជ្រាវផ្នែកវេជ្ជសាស្រ្តបែបធម្មជាតិ Bastyr បានបញ្ជាក់យ៉ាងច្បាស់ អំពីប្រសិទ្ធភាពនៃការព្យាបាលដោយវិធីបែបនេះ។
ការព្យាបាលដោយប្រើស្រោមជើងមួយនេះមានឈ្មោះថា « Heating Compress » ដែលធ្វើឱ្យរាងកាយមានប្រតិកម្មនឹងស្រោមជើងដែលសើម(ត្រជាក់) រួចបង្កើនចលនាចរន្តឈាម ដែលអាចជួយរំញោចប្រព័ន្ធប្រសាទ និងភាពស៊ាំបានផងដែរ។ ធ្វើបែបនេះនឹងធ្វើឱ្យប្រព័ន្ធរាងកាយអាចធ្វើការប្រយុទ្ធប្រឆាំង ព្យាបាលការឈឺចុកចាប់នឹងជំងឺផ្សេងៗជាពិសេសជំងឺផ្តាសាយតែម្តង។
វិធីព្យាបាលដោយប្រើស្រោមជើងត្រជាក់បែបនេះ មិនត្រឹមតែព្យាបាលជំងឺផ្តាសាយនោះទេ តែមានតួនាទីព្យាបាលជំងឺផ្សេងៗបានយ៉ាងច្រើនដូចជា៖
- បង្កើនចរន្តឈាមឱ្យរត់ស្រួល សព្វពេញរាងកាយ
- កាត់បន្ថយអាការកកស្ទះឈាម ផ្លូវដង្ហើម ក្បាល និងបំពង់-ក
- ជួយបន្ធូរបន្ថយភាពតានតឹង អាការតឹងច្រមុះ ថែមទាំងធ្វើឱ្យគេងលក់ស្រួល
- មានប្រសិទ្ធភាពអាចព្យាបាល និងបំបាត់អាការឈឺចុកចាប់ក្នុងរាងកាយ
- ជួយព្យាបាល និងធ្វើឱ្យជំងឺទាក់ទងនឹងឆ្លងមេរោគផ្សេងៗកាន់តែប្រសើរឡើង។
ដោយសារតែបានឃើញពីប្រសិទ្ធភាពនៃការព្យាបាលបែបនេះ អ្នកប្រហែលជាកំពុងតែឆ្ងល់ហើយ តើវិធីអនុវត្តបែបណានោះ?
ដូច្នេះមកតាមដានទាំងអស់គ្នា នូវវិធីធ្វើងាយៗទាំង ៤ដំណាក់កាលខាងក្រោមនេះ៖
អ្វីដែលអ្នកត្រូវការរួមមាន៖
- ស្រោមជើងស្តើង ១គូ (អាចធ្វើពីកប្បាសសាច់ស្តើងៗ)
- ស្រោមជើងសាច់ក្រាស់ ១គូ (សាច់ក្រណាត់ក្រាស់ៗ)
- ធុងទឹកមួយ (ទំហំណាក៏បានឱ្យតែអាចធ្វើការត្រាំជើងបាន)
- ទឹកកកដុំតូចៗ
- ទឹកក្តៅឧណ្ហៗ
ឥឡូវនេះមកតាមដានវិធីអនុវត្តទាំង ៤ដំណាក់កាលដូចតទៅ៖
ដំណាក់កាលទី១
ជាដំបូង យកស្រោមជើងស្តើង ១គូជ្រលក់ជាមួយនឹងទឹកត្រជាក់ដែលលាយជាមួយនឹងដុំទឹកកក ឱ្យជោគសព្វ បន្ទាប់មកពូតទឹកចេញ។
ដំណាក់កាលទី២
យកជើងរបស់អ្នកត្រាំនៅក្នុងទឹកក្តៅឧណ្ហៗ រយៈពេល ១០នាទី រហូតដល់ជើងរបស់អ្នកឡើងកម្តៅ ។
ដំណាក់កាលទី៣
បន្ទាប់ពីដកជើងចេញពីការត្រាំទឹកក្តៅឧណ្ហៗហើយ ជូតជើងនឹងក្រណាត់ស្អាតឱ្យស្ងួត រួចយកស្រោមជើងស្តើងដែលត្រាំទឹកកកមកពាក់មួយជាន់។ រួចយកស្រោមជើងក្រាស់ដែលស្ងួត មកពាក់មួយជាន់ពីលើបន្ថែមទៀត។
ដំណាក់កាលទី៥
ជាចុងក្រោយ ចូលគេងដោយយកភួយគ្របខ្លួនឱ្យជិតដល់ជើង បើមិនដូច្នេះទេ ការព្យាបាលនឹងគ្មានប្រសិទ្ធភាពនោះទេ។
ចំណាំ៖ ត្រូវតែអនុវត្តនៅពេលយប់ រៀបនឹងចូលគេង ហើយដើម្បីបង្កើនប្រសិទ្ធភាព អ្នកក៏អាចធ្វើការម៉ាស្សាបាតជើងបន្ថែមក៏បានដែរ។
ម្យ៉ាងទៀតត្រូវចាំថា ការអនុវត្តវិធីបែបនេះ នៅពេលដែលទើបតែមានរោគសញ្ញាដំបូងនៃជំងឺផ្តាសាយ (ទើបតែឈឺ) ទើបការព្យាបាលកាន់តែមានប្រសិទ្ធភាពខ្ពស់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]