គួរឲ្យស្តាយ! ព្រះវិហារឈើខ្ពស់ជាងគេបង្អស់នៅអាស៊ី ដែលមានអាយុកាលជាង ៤០០ឆ្នាំ ត្រូវអគ្គិភ័យលេបត្របាក់ សល់តែ... (មានវីដេអូ)

ចិន៖ កាលពីថ្ងៃទី ១០ ខែធ្នូ ឆ្នាំ២០១៧កន្លងទៅនេះ ព្រះវិហារ Jiulong ដែលស្ថិតនៅក្នុងទីក្រុង Mianzhu ខេត្ត Sichuan ប្រទេសចិន ត្រូវបានអគ្គិភ័យលេបត្របាក់ សល់តែផេះ។ ព្រះវិហារដ៏ចំណាស់នេះ ត្រូវបានគេចាត់ទុកថា ជាព្រះវិហារឈើដែលខ្ពស់ជាងគេបង្អស់នៅក្នុងតំបន់អាស៊ី។

យោងទៅតាមសារព័ត៌មានYahoo News បានឲ្យដឹងថា អគ្គិភ័យដែលឆាបឆេះអគារឈើកម្ពស់ ១៥ជាន់ កាលពីថ្ងៃអាទិត្យនេះ មិនបានបណ្តាលឲ្យមានអ្នករងរបួស ឬស្លាប់ឡើយ។

សាក្សីមួយរូបដែលមានឈ្មោះថា Yu Guixiang បាននិយាយថា៖

“ដំបូងអណ្តាតភ្លើងចាប់ផ្តើមឆេះចេញពីសាល Great Buddha។ បន្ទាប់មក វាក៏រាលដាលទៅដល់ សាល Jade Emperor។ ចុងក្រោយ ខ្យល់ក៏បានបោកបក់ធ្វើឲ្យភ្លើងឆេះព្រះវិហារទាំងមូលតែម្តង”។

គួរបញ្ជាក់ថា ព្រះវិហារនេះត្រូវបានសាងសង់ឡើងតាំងពីជាង ៤០០ឆ្នាំមុនមកម្ល៉េះ ប៉ុន្តែគេបានជួសជុលព្រះវិហារនេះឡើងវិញនៅក្នុងឆ្នាំ ២០០៨។

ក្រុមអ្នកពន្លត់អគ្គិភ័យបានចំណាយពេលជាង ៤ម៉ោងដើម្បីពន្លត់ភ្លើងដ៏សាហាវនេះ។ ចំនែកឯមូលហេតុពិតប្រាកដដែលបណ្តាលឲ្យរឿងនេះកើតឡើង នៅមិនទាន់ដឹងច្បាស់នៅឡើយទេ ព្រោះអាជ្ញាធរនៅតែបន្តការស៊ើបអង្កេតនៅឡើយ៕

សូមទស្សនាវីដេអូខាងក្រោម៖ 

• វីដេអូ