លេងសើចម៉េចបាន អេដា និងគូស្នេហ៍ សុទ្ធតែមានគម្រោងធ្វើរឿងមួយ នៅចុងឆ្នាំ

ភ្នំពេញ៖ បច្ចុប្បន្នតារាចម្រៀង Original Song អេដា បានទទួលនូវការគាំទ្រយ៉ាងខ្លាំងពីទស្សនិកជន តាមរយៈការចេញបទចម្រៀងថ្មីៗជាច្រើនបន្តបន្ទាប់តម្រូវតាមចំណូលចិត្តមិត្តយុវវ័យ។

ហើយថ្មីៗនេះតារាចម្រៀង Original Song អេដា បានធ្វើឱ្យអ្នកគាំទ្ររបស់ខ្លួនជាច្រើននាក់មានការភ្ញាក់ផ្អើលយ៉ាងខ្លាំង ក្រោយបានបង្ហាញនូវមុខមាត់ពិតរបស់គូស្នេហ៍ខ្លួន ដែលមានឈ្មោះថាលោក អេលែន តាន់។

ក្រោយប្រកាសថាជាគូស្នេហ៍នឹងគ្នាជាសាធារណៈរួចមក គេតែងឃើញអ្នកទាំងពីរថតរូបផ្អែមល្ហែមជាមួយគ្នាឥតដាច់ បង្ហាញនៅក្នុងបណ្តាញសង្គម។

ហើយនៅក្នុងឱកាសបុណ្យឆ្លងឆ្នាំសកលខាងមុខនេះ តារាចម្រៀងស្រី អេដា ក៏មានគម្រោង ធ្វើដំណើរកម្សាន្តឆ្លងឆ្នាំនៅក្រៅប្រទេស យ៉ាងសប្បាយរីករាយជាមួយនឹងគូស្នេហ៍ខ្លួនផងដែរ។

ដោយនៅក្នុងនោះអ្នកនាង អេដា បានប្រាប់នៅលើអ៊ីនស្តារក្រាមថានឹងមានការទៅកម្សាន្តក្នុងបុណ្យ Christmas និងរាប់ថយក្រោយឆ្លងឆ្នាំសកល នៅក្នុងទីក្រុងLondon ជាមួយនឹងគូស្នេហ៍ យ៉ាងផ្អែមល្ហែមទៀតផង៕

ទស្សនារូបភាពខាងក្រោម៖  

• អេដា
• ស្នេហា