ទម្លាប់ការប្រើប្រាស់ និងរបបអាហារសាមញ្ញៗប្រចាំថ្ងៃទាំងនេះ អាចធ្វើឱ្យប៉ះពាល់ដល់សុខភាពបាន

សកម្មភាព ទម្លាប់ និងរបបចំណីអាហារទទួលទាន គឺពាក់ព័ន្ធទៅនឹងការរស់នៅប្រចាំថ្ងៃរបស់មនុស្សម្នាក់ៗ ។ ជាធម្មតា យើងតែងតែមានរឿងជាច្រើនដែលត្រូវធ្វើ និងមានរបស់របរជាច្រើនដែលត្រូវទិញ ហើយសកម្មភាពទាំងអស់នោះដែលយើងតែងតែធ្វើជាប្រចាំ អ្នកប្រហែលជាគិតថាជារឿងធម្មតា និងគ្មានផលប៉ះពាល់អ្វីទាំងអស់មែនទេ? ប៉ុន្តែអ្វីដែលអ្នកមិនបានដឹងនោះ សកម្មភាព និងរបស់របរដែលនៅជុំវិញខ្លួនរបស់អ្នកមួយចំនួន បែរជាអាចជះឥទ្ធិលដល់សុខភាពរបស់អ្នកដោយមុនដឹងខ្លួនទៅវិញ។

ពេលនេះអ្នកប្រហែលជាកំពុងតែភ័យ និងបារម្ភហើយមែនទេ? មិនមែនជាបញ្ហា ពេលនេះយើងនឹងរៀបរាប់ពីសកម្មភាព និងរបស់របរប្រើប្រាស់មួយចំនួនបង្ហាញមិត្តអ្នកអាន ជ្រាបជាចំណេះដឹង។

តោះ! មកតាមដានការៀបរាប់នូវ ចំនុចសំខាន់ៗទាំង ៩ ខាងក្រោមទាំងអស់គ្នា៖

៩. ដបទឹកផ្លាស្ទិច ឬជ័រ

គ្រប់ផលិតផលដបធ្វើចញពីផ្លាស្ទិក និងជ័រ ផលិតឡើងពីជាតិ Polycarbpnate ប្លាស្ទិកដែលវាអាចបង្កជាមេរោគបាក់តេរីគីមីម្យ៉ាងមានឈ្មោះថា Bisphenol-A(BPA)។ ជាតិគីមី ទាំងនេះនឹងធ្វើឱ្យប៉ះពាល់ដល់សុខភាពរបស់អ្នកទាំងមូលដូចជា ប៉ះពាល់ដល់កោសិកា ការរីកលូតលាស់នៃរាងកាយ ថាមពលរាងកាយ និងប្រព័ន្ធបន្តពូជជាដើម។

ជាតិគីមីនេះសុទ្ធតែអាចប៉ះពាល់ទាំងអស់គ្រប់លក្ខខណ្ឌ ជាពិសេសពាក់ព័ន្ធនឹងកម្តៅដែលដែលផ្ទុកតែម្តង នៅពេលដែលស្ថិតនៅក្នុងសីតុណ្ហភាពធម្មតា ឬត្រជាក់វានឹងមិនបញ្ចេញជាតិគីមីនោះទេ ឬក៏ពេលខ្លះអាចមានជាតិគីមីតិចៗដែរ តែប្រសិនជាផ្ទុកទឹកកាន់តែក្តៅ ចំហាយគីមីរឹតតែមានកាន់តែច្រើនឡើងផងដែរ។

ចំណាំ៖ ប្រសិនជាអាចចៀសបាន អ្នកមិនគួរប្រើដបទឹកជ័រ ឬផ្លាស្ទិកនោះទេ អ្នកគួរតែប្តូរប្រើដបទឹកដែលធ្វើពី កែវ ប៉សឺឡែន ដីឥដ្ឋ ឬដបអ៊ីណុកជាដើម (Polyethylene plastic) សម្រាប់ដាក់ទឹក ជាពិសេសគឺដាក់ទឹកក្តៅតែម្តង។

៨.ទឹកផ្លែឈើ និងផ្លែឈើក្រៀម

ទឹកផ្លែឈើត្រូវបានគេដឹងថាអាចប៉ះពាល់ដល់សុខភាពរបស់អ្នកបាន ដោយសារតែបរិមាណជាតិស្ករដ៏ច្រើនលើសលប់ ។ ឯចំណែកផ្លែឈើក្រៀមវិញ ក៏ត្រូវបានគេដឹងផងដែរថា សម្បូរទៅដោយជាតិស្ពាន់ធ័រឌីអុកស៊ីត (Sulfur Dioxide) ដែលត្រូវបានគេប្រើសម្រាប់រក្សាចំណីអាហារឱ្យទុកបានយូរ។

ដូច្នេះអ្នកដែលមានជំងឺហឺត ឬ ជំងឺទាក់ទងនឹងអាលែក្សីជាតិគីមីរក្សាចំណីអាហារ (Sulfite sensitive) មិនគួរទទួលទានចំណីអាហារទាំងនេះទេ ព្រោះវាអាចធ្វើឱ្យប៉ះពាល់ដល់ផ្លូវដង្ហើមយ៉ាងធ្ងន់ធ្ងរ និងអាចបណ្តាលឱ្យស្លាប់បាន។

ចំណាំ៖ ដើម្បីចៀសវាងអាហារដែលផ្ទុកនូវជាតិគីមី អ្នកគួរតែស្វែងរកផលិតផលដែលផលិតពីធម្មជាតិ និងអាហារក្រៀមដែលមិនមានសារធាតុផ្ទុកឱ្យរក្សាបានយូរ ។ ត្រូវចាំថាអាហារធម្មជាតិ និងអាហារដែលល្អចំពោះសុខភាពមិនអាចរក្សាទុកបានយូរទេ លើកលែងតែអាហារដែលទុកឱ្យកកក។ ម្យ៉ាងទៀត ប្រសិនជាអ្នកមានបញ្ហាប្រតិកម្មនឹងអាហារដែលផ្ទុកគីមីអ្នកត្រូវតែទៅមន្ទីរពេទ្យជាបន្ទាន់ ។

៧.ការវេចខ្ចប់អាហារឆ្អិនស្រាប់

ក្រដាសខ្ចប់ ឬថង់សម្រាប់ខ្ចប់ម្ហូបអាហារចំអិនស្រាប់ដូចជាបឺហ្គឺភាគច្រើនជាក្រដាសដែលជក់ខ្លាញ់មានសារធាតុ Florinated អាចប៉ះពាល់ដល់សុខភាព និងការរីកលូតលាស់របស់ក្មេងតូចៗ។ មជ្ឈមណ្ឌលស្រាវជ្រាវបានរកឃើញថា ក្រដាសខ្ចប់ទាំងអស់នេះ អាចបង្អាក់ការធំរីកលូតលាស់ទាំងរាងកាយ និងអត្តចរិត ជាពិសេសអាចបង្អាក់អរម៉ូនពីធម្មជាតិ ថែមទាំងបង្កើនកម្រិតកូឡេស្តរ៉ល និងបង្កជាហានិភ័យនៃជំងឺមហារីកផងដែរ។

ចំណាំ៖ ដើម្បីចៀសវាងសារធាតុគីមីមួយនេះ អ្នកមិនគួរទទួលទានអាហារចម្អិនស្រាប់ដែលវេចខ្ចប់ក្រដាស់នោះទេ យកល្អទទួលទានអាហារដែលដាក់ចានទើបជាការប្រសើរ។

៦. កញ្ចប់ពោតលីតដែលយកមកចម្អិនក្នុងម៉ាស៊ីនម៉ៃក្រូវ៉េវ (Microwave)

ថ្មីៗនេះគេរកឃើញថា កញ្ចប់ពោតលីងដែលមានលក់នៅទីផ្សារសម្រាប់ចម្អិនដោយខ្លួនឯងក្នុងម៉ាស៊ីនម៉ៃក្រូវ៉េវ (Microwave) នឹងអាចបង្កជាជាតិគីមីឈ្មោះថា PFOA (perfluorooctanoic) នៅពេលដែលត្រូវនឹងកម្តៅរបស់ម៉ាស៊ីនចម្អិន ហើយបង្កជាមេរោគមហារីកដ៏កាចសាហាវ។

ម្យ៉ាងវិញទៀត ជាតិគីមី Diacetyl ក៏ត្រូវបានរកឃើញនៅក្នុងប័ររបស់ពោតលីងផងដែរ ដែលអាចបង្កជាមេរោគ និងជំងឺទាក់ទងនឹងផ្លូវដង្ហើម ប្រសិនជាអ្នកឧស្សាហ៍ទទួលទានវាជាប្រចាំ ដែលគេនិយមហៅថាជំងឺ Popcorn workers lung កើតឡើងភាគច្រើនផងដែរចំពោះបុគ្គលិកនិងកម្មករក្នុងរោគចក្រផលិតពោតលីង។

ចំណាំ៖ ប្រសិនជាអ្នកចង់ទទួលទានពោតលីង អ្នកគួរតែចម្អិនវាដោយខ្លួនឯងជាមួយនឹងពោតដែលទិញពីផ្សារ និងឆ្នាំងធម្មតា (សម្រាប់លីងពោតលីង) ហើយអ្នកមិនគួរទិញពោតលីងកញ្ចប់ស្រាប់ៗនោះទេ។

៥. ផលិតផលការពារកម្តៅថ្ងៃ

ផលិតផលការពារកម្តៅថ្ងៃដែលមានដាក់លក់នៅទីផ្សារគឺមាន ២ប្រភេទ ទី១ គឺប្រភេទ Physical ដែលផ្សំពីជាតិសង្កសី និងTitanium Dioxide និងប្រភេទទីពីរជាតិគីមី។ ដោយប្រភេទទី១ អាចមានលទ្ធភាពការពារ និងបិតបាំងស្បែករបស់អ្នកពីពន្លឺព្រះអាទិត្យ ចំណែកឯប្រភេទទី២ មានសារធាតុគីមីដែលរួមផ្សំប្រឆាំងនឹងកាំរស្មី UVA និង UVB ដែលត្រូវបានគេស្រាវជ្រាវឃើញថា អាចប៉ះពាល់ដល់អរម៉ូន និងខូចកោសិកាស្បែកបណ្តាលឱ្យកើតជំងឺមហារីកស្បែកបាន ប៉ុន្តែក៏មានមនុស្សមួយចំនួនអះអាងថាមានសុវត្ថិភាពផងដែរ។

ចំណាំ៖ បើទោះជាពត៌មានខាងលើមិនបានបញ្ជាក់ខ្បាស់ ១០០ភាគរយយ៉ាងណាក៏ដោយ ដើម្បីសុវត្ថិភាព និងចៀសវាងសារធាតុគីមីណាមួយនោះ យកល្អអ្នកគួរតែប្រើប្រាស់ផលិតផលការពារកម្តៅថ្ងៃប្រភេទទី១ គឺប្រភេទ Physical ដែលផ្សំពីជាតិសង្កសី និងTitanium Dioxide ប្រសើរជាង។

៤. ការទទួលទានអាហារនៅតុធ្វើការ

មនុស្សជាច្រើនយល់ថា តុធ្វើការស្អាត និងមានអនាម័យ តែអ្នកប្រហែលជាមិនបានដឹងទេថា មានមេរោគជាង ៤០០ប្រភេទដែលជាប់ទុំនឹងតុធ្វើការរបស់អ្នក ដោយមិនអាចមើលនឹងភ្នែកទទេឃើញ។ បានន័យថាវាសម្បូរទៅដោយមេរោគច្រើនជាងបង្គន់ទៅទៀត។ ក្រៅពីសម្បូឬមេរោគហើយ ការទទួលទានលើតុធ្វើការអាចបង្កើនហានិភ័យនៃជំងឺបេះដូង ដោយសារតែអ្នកចំណាយពេលតែនៅលើតុធ្វើការច្រើនម៉ោងថែមទៀតផង។

ចំណាំ៖ ទោះជារវល់នឹងការងារយ៉ាងណា អ្នកគួរតែឆ្លៀតពេលទៅចង្ក្រានបាយឬតុញ៉ាំអាហារ។ ប៉ុន្តែប្រសិនជាការចាំបាច់ត្រូវតែទទួលទានអាហារលើតុធ្វើការ អ្នកត្រូវតែប្រាកដចិត្តថាតុរបស់អ្នកស្អាតល្អ ឬបានជូតសម្អាតត្រឹមត្រូវហើយ ម្យ៉ាងទៀតត្រូវប្រយ័ត្នប្រយែងកុំឱ្យម្ហូបរបស់អ្នកជ្រុះ ឬប៉ះនឹងតុធ្វើការឱ្យសោះ។

៣. អង្គុយគងអន្ទាក់ខ្លា

ការអង្គុយគងអន្ទាក់ខ្លាអាចធ្វើឱ្យស្ទះសសៃឈាម និងផ្តល់សម្ពាធយ៉ាងខ្លាំងលើក្បាលជង្គង់ ដែលអាចធ្វើឱ្យមានហានិភ័យនៃជំងឺខ្សោយបេះដូង ឬគាំងបេះដូងជាដើម។ មិនតែប៉ុណ្ណោះ ការអង្គុយបែបនេះថែមទាំងធ្វើឱ្យសសៃឈាមរបស់អ្នកកក មិនអាចធ្វើដំណើរសព្វសរីរាង្គផងដែរ។ ត្រូវចាំថាប្រសិនជាអ្នកចង់អង្គុយគងអន្ទាក់ខ្លា មិនត្រូវដាក់ឥរិយាបថគងជើងនេះយូរជាង ១០ ទៅ ១៥នាទីនោះទេ។

ចំណាំ៖ ពេលអង្គុយ អ្នកគួរតែដាក់ខ្នងឱ្យត្រង់ និងរក្សាជើងរបស់អ្នកឱ្យស្មើគ្នា គឺត្រូវរក្សាឥរិយាបថរាងកាយ៩០ដឺក្រេ។ ប៉ុន្តែប្រសិនជាអ្នកចូលចិត្តអង្គុយគងអន្ទាក់ខ្លា អ្នកគូរតែឧស្សាហ៍ក្រោកឈរឡើងសម្រួលសសៃឈាមរាល់ ១ម៉ោងម្តងទើបជាការល្អ។

២. ទឹកបន្តក់ភ្នែក

អ្នកប្រាកដជាភ្ញាក់ផ្អើលប្រសិនជាអ្នកដឹងថា ទឹកបន្តក់ភ្នែកគឺជាឈ្មោះមួយប្រភេទដែលស្ថិតនៅក្នុងបញ្ជីថ្នាំពុលដែលគ្រោះថ្នាក់បំផុតមួយផងដែរ។ នោះក៏ដោយសារតែទឹកថ្នាំបន្តក់ភ្នែកអាចជួយសម្រួលកែវភ្នែកឱ្យមានភាពប្រសើរឡើងនៅពេលដែលអ្នកដាក់ទឹកឱ្យចំកែវភ្នែក តែប្រសិនជាវាហៀរដល់សសៃឈាមនៃកែវភ្នែក វានឹងធ្លាក់ទៅដល់បំពង់ក មាត់របស់អ្នក ពេលនោះអាចនឹងបង្កឱ្យមានគ្រោះថ្នាក់ដូចជាអ្នកបានលេបទឹកថ្នាំដែរដូចជា មានអាការវិលមុខ ក្អួតបង្អោរ និងបេះដូងលោតខ្លាំងខុសចង្វាក់ជាដើម ដែលអាចនឹងប្រកាច់ផងដែរ។

ប្រសិនជាមានករណីទឹកថ្នាំធ្លាក់មកក្នុងមាត់ អ្នកគួរតែទៅជួបនឹងវេជ្ជបណ្ឌិតជំនាញភ្លាមៗទើបជាការល្អ។

ចំណាំ៖ អ្នកត្រូវតែរក្សាទុកថ្នាំបន្តក់ភ្នែកក្នុងកន្លែងសុត្ថិភាពផុតពីដៃក្មេង និងសត្វចិញ្ចឹម ដើម្បីចៀសវាងការលេបចូលទៅក្នុងពោះដោយការភាន់ច្រឡំ។

១.ស្បែកជើងឃ្លុបជ័រកៅស៊ូ

ស្បែកជើងមួយប្រភេទនេះមានមនុស្សជាច្រើននិយមពាក់វា តែវាត្រូវបានគេដឹងថាអាចធ្វើឱ្យប៉ះពាល់ដល់កែងជើង ថែមទាំងអាចប៉ះពាល់សក់ក្រចកជើងដែលរុលទៅមុខប៉ះនឹងសាច់ស្បែកជើងដែលរឹងផងដែរ ហើយអាចនឹងមានបញ្ហា ខូចក្រចក ពងបែក និងក្រិនជើង។ ប៉ុន្តែអ្នកក៏អាចពាក់វាបានដែរ តែក្នុងពេលមួយភ្លែតៗមិនមែនពាក់រាប់ម៉ោងនោះឡើយដូចជាពេលទៅសមុទ្រ ឬដើរលេងនៅសួនច្បារជាដើម។

បន្ទាប់ពីបានអានចំណុចលម្អិតខាងក្រោមទាំងនេះហើយ ប្រសិនជាអ្នកកំពុងតែធ្វើវា អ្នកអាចបញ្ឈប់សកម្មភាពភ្លាម ៗដើម្បីកុំឱ្យមានការប៉ះពាល់ទាន់ តែប្រសិនជាអ្នកមិនបានធ្វើនូវរឿងទាំងអស់នោះទេ អ្នកប្រហែលជាកំពុងតែសប្បាយចិត្តហើយមែនទេ? តែកុំភ្លេចពាំនាំចំណេះដឹងទាំងនេះប្រាប់ដល់ក្រុមគ្រួសារ មិត្តភក្តិ និងមនុស្សជាទីស្រលាញ់របស់អ្នកតៗគ្នាផងណា៕