ចិន៖ Greyhounds គឺជាពូជសត្វឆ្កែដ៏ល្អមួយ ព្រោះវាឆ្លាត ហើយស្លូតបូត ខុសពីពូជឆ្កែដទៃ។ មិនតែប៉ុណ្ណោះ វាថែមទាំងមានកម្ពស់ខ្ពស់ ស្គម និងមានរោមស្មើរលោងថែមទៀតផង។ ហេតុដូច្នេះហើយ ទើបបានជាឆ្កែប្រភេទនេះ គេចូលចិត្តចិញ្ចឹមខ្លាំងមែនទែន។
ភាពរហ័សរហួន និងឆ្លាតវៃពីធម្មជាតិ បានធ្វើឲ្យគេពេញនិយមយកឆ្កែប្រភេទនេះ ទៅប្រកួតប្រណាំងផ្សេងៗ។ ជាអកុសល ឆ្កែGreyhound មួយក្បាល ត្រូវរងគ្រោះ ដោយសារស្នាដៃម្ចាស់របស់វាផ្ទាល់ បន្ទាប់ពីវាបានចាញ់ការប្រកួតមួយនៅក្នុងប្រទេសចិន។
វីដេអូដ៏តក់ស្លុតមួយ បានបង្ហាញឲ្យឃើញពីសកម្មភាពរបស់បុរសមិនស្គាល់អត្តសញ្ញាណម្នាក់ ដែលបានចាប់ឆ្កែរបស់ខ្លូន បោកទៅនឹងឥដ្ឋជាច្រើនដង បន្ទាប់ពីវា បានធ្វើឲ្យម្ចាស់វាចាញ់ប្រាក់អស់ជាច្រើនក្នុងការប្រកួត។
វីដេអូមួយនេះ ក៏បានធ្វើឲ្យអ្នកស្រឡាញ់សត្វនៅក្នុងប្រទេសចិនជាច្រើន រិះគន់ពេញទំហឹងផងដែរ។
យោងតាមសារព័ត៌មាន Mail Online បានឲ្យដឹងថា ម្ចាស់ឆ្កែមួយក្បាលនេះ បានចាញ់ប្រាក់អស់ច្រើនណាស់ ទើបបញ្ចេញកំហឹងទៅលើវាតែម្តង ហើយនៅក្នុងវីដេអូនោះ គេក៏បានលឺបុរសម្នាក់នោះនិយាយដែរថា “ឯងធ្វើឲ្យយើងចាញ់លុយច្រើនណាស់”។
មិនតែប៉ុណ្ណោះ នៅក្នុងវីដេអូដែលថតតាំងពីថ្ងៃទី ០៣ ធ្នូ នៅក្នុងខេត្ត Hebei នេះ គេក៏បានលឺបុរសម្នាក់នោះ សន្យាថា នឹងយកសាកសពឆ្កែនេះ ទៅចម្អិន និងស៊ីវាតែម្តង។
អ្នកលេងបណ្តាញសង្គមជាច្រើន បានខឹងសម្បាយ៉ាងខ្លាំងចំពោះទង្វើដ៏ឃោរឃៅរបស់បុរសម្នាក់នេះ ដោយអះអាងថា ឆ្កែមួយក្បាលនោះ «គ្មានទោសកំហុស» ទេ។ មិនតែប៉ុណ្ណោះ មានអ្នកខ្លះទៀតបានហៅបុរសម្នាក់នោះថា ជា «មនុស្សគ្មានបេះដូង» ដែលហ៊ានសម្លាប់ឆ្កែរបស់ខ្លួនឯងបែបនេះ៕
សម្រាប់ប្រិយមិត្តវិញ គិតយ៉ាងណាដែល ចំពោះទង្វើរបស់បុរសម្នាក់នេះ? សូមទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]