ថៃ៖ ជារឿងមួយគួរឱ្យត្រេកអរណាស់ នៅពេលតារាសម្តែងស្រី Margie Rasri បានភ្ជាប់ពាក្យតាមប្រពៃណី ជាមួយនឹងបុរសជាទីស្រលាញ់របស់ខ្លួនគឺលោក Pok Passakorn ដែលបានស្រលាញ់យល់ចិត្តគ្នាអស់រយៈពេល៣ឆ្នាំកន្លងផុតទៅហើយ។
ដោយកាលពីថ្ងៃទី ៨ ខែធ្នូកន្លងទៅនេះ ពិធីភ្ជាប់ពាក្យរបស់តារាស្រី Margie Rasri តាមប្រពៃណីថៃក្នុងការបំពាក់ចិញ្ចៀនឱ្យគ្នាទៅវិញទៅមក បានបញ្ចប់ទៅយ៉ាងរលូន ពោរពេញទៅដោយភាពរីករាយ។
ជាពិសេសគឺលោក Pok Passakorn ជាអ្នកដែលរំភើបចិត្តជាងគេបង្អស់នៅក្នុងពិធីនេះ ដល់ថ្នាក់ស្រក់ទឹកភ្នែកចុះនៅកណ្តាលពិធីដោយមិនដឹងខ្លួន ពេលដែលលើកកម្រងផ្កា និងបណ្ណាការជូនអ្នកមានគុណទាំងសងខាង ជាការបញ្ជាក់ក៏ដូចជាការបង្ហាញថា ចាប់ពីថ្ងៃនេះសុំមើលថែរក្សា Margie Rasri អស់មួយជីវិត។
ស្របជាមួយគ្នានោះដែរ Margie Rasri ក៏បានលើកដៃជូតទឹកភ្នែកឱ្យបុរសជាទីស្រលាញ់ដោយផ្ទាល់ដៃ ផងដែរ ព្រមទាំងទឹកមុខញញឹម រំភើប ត្រេកអរ រកអ្វីមកប្រៀបផ្ទឹមពុំបានឡើយ។
ឃើញវីដេអូសកម្មភាពបែបនេះ ធ្វើឱ្យអ្នកគាំទ្រពិតជាក្តុកក្តួលនៅក្នុងចិត្តយ៉ាងខ្លាំង រហូតដល់ចង់ស្រក់ទឹកភ្នែកតាមលោក Pok Passakorn ផងដែរ ព្រោះតែលោករំភើបចិត្តខ្លាំង ដែលបានរស់នៅជាមួយនារីជាទីស្រលាញ់៕
ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]