ភ្នំពេញ៖ វត្តមាន កំពូលតារាចម្រៀងស្រីកូរ៉េ CL បានធ្វើឲ្យកក្រើកឆាកតន្រ្តីយ៉ាងខ្លាំង នៅកោះពេជ្រ កាលពីយប់មិញ ដែលមានមនុស្សចូលរួមទៅមើល រាប់ម៉ឺននាក់។
ក្នុងនោះដែរ ប្រិយមិត្តភាគច្រើន បានដឹងរួចមកហើយថា មានតារាចម្រៀងស្រីខ្មែរម្នាក់ ស្រលាញ់ និងចូលចិត្ត CL ខ្លាំងណាស់ សូម្បីម៉ូតសក់ ស្ទាយលេងខ្លួន ក៏លេងតាមផងដែរ ដែលតារានោះ គឺជា កញ្ញា ទេព បូព្រឹក្ស។
នៅក្នុងឱកាសដ៏ពិសេស រូបនាង ក៏ស្កាត់ជួប CL ហើយថែមទាំងបានថតរូបជាមួយគ្នា ប្រកបទៅដោយភាពស្និទ្ធស្នាល យ៉ាងខ្លាំង។ មិនតែប៉ុណ្ណោះ CL ក៏បាននិយាយពាក្យមួយម៉ាត់ ទៅកាន់ទេព បូព្រឹក្ស ផងដែរ ដែលសរសើរថា«Hey Boprek you So cute» (បូព្រឹក្សអ្នកស្អាតណាស់)។
គួរបញ្ជាក់ផងដែរថា កំពូលតារាចម្រៀងស្រី CL មិនបានស្នាក់នៅ និងដំណើរកម្សាន្ត យូរថ្ងៃ នៅកម្ពុជា ដូចជាតារាផ្សេងៗនោះទេ ក៏ព្រោះតែ រូបនាង ជាប់មានការងារជាច្រើន ដែលនឹងត្រូវឡើងឆាកតន្រ្តីផ្សេងៗ តាមបណ្តាប្រទេសនានា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]