មកមើលផ្ទះដ៏ធំរបស់ Kendall Jenner ទាំងស្អាត ទាំងទំនើប ដូចនៅក្នុងសណ្ឋាគារ!

អាមេរិក៖ តារាបង្ហាញម៉ូតដ៏ល្បីល្បាញរបស់អាមេរិកនាង Kendall Jenner បានជាប់ឈ្មោះតារាស្រី ដែលរកបានចំណូលបានខ្ពស់ជាងគេប្រចាំឆ្នាំ ២០១៧នេះ រហូតដល់ទៅ ២២លានដុល្លារអាមេរិក។

បើក្រឡេកទៅមើលផ្ទះ របស់តារាស្រីរូបនេះវិញ ក៏មិនធម្មតាដែរ គឺនាងបានរស់នៅក្នុងផ្ទះមួយដ៏ប្រណីត ដែលត្រូវបានគេតុបតែងឡើងតាមបែបអេស្ប៉ាញ យ៉ាងស្រស់ស្អាត ប្រៀបបានដូចជាសណ្ឋាគារលំដាប់ខ្ពស់មួយទៅហើយ។

ផ្ទះមួយនេះ គឺត្រូវបានសាងសង់ឡើងតាំងពីឆ្នាំ១៩៩១ នៅលើផ្ទៃដីដ៏ធំទូលាយ។ វាត្រូវបានគេសង់ឡើង ដោយមានពីរជាន់។ ក្នុងនោះមានបន្ទប់គេង៥ បន្ទប់ទឹក៦ ហើយក៏នៅមានបន្ទប់ មើលកុនផ្ទាល់ខ្លួនមួយផងដែរ។

បន្ថែមពីលើនេះទៅទៀត ក៏នៅមានបន្ទប់ការិយាល័យ បន្ទប់ទទួលភ្ញៀវ ព្រមទាំងផ្ទះបាយដ៏ទំទូលាយ ដែលបំពាក់ទៅដោយវត្ថុប្រើប្រាស់ យ៉ាងទំនើបទាន់សម័យពេញទាំងអស់។

ចំណែកឯនៅខាងមុខផ្ទះ ក៏មានសួនច្បារ នៅខាងក្រោយ ក៏មានអាងហែលទឹកយ៉ាងធំ ព្រមទាំងមានទីលានវាយកូនបាល់ និងសួនកុមារធំទូលាយ សម្រាប់ឱ្យក្មួយៗរបស់នាង រត់លេងកម្សាន្តបានយ៉ាងសប្បាយរីករាយថែមទៀតផង ៕

តោះមកទស្សនាផ្ទះរបស់ Kendall Jenner ដូចខាងក្រោមនេះទាំងអស់គ្នា ថាស្រស់ស្អាតយ៉ាងណាខ្លះ៖ 

• រូបភាព