ថ្លើម គឺជាសរីរាង្គមួយដែលមានតួនាទីយ៉ាងសំខាន់នៅក្នុងការស្រូបយកប្រូតេអ៊ីន បន្សាបជាតិពុល និងបំលែងចំណីអាហារជាកាកសំណល់ មកបញ្ចេញចោលតាមរយៈទឹកនោម និងលាមក។
អ្នកដឹងរួចមកហើយណា ការរស់នៅ និងរបបអាហារទទួលទានប្រចាំថ្ងៃដែលមិនល្អ និងពោរពេញដោយជាតិពុល ឬជាតិគីមីផ្សេងៗ អាចធ្វើឱ្យប៉ះពាល់ដល់សុខភាពរបស់អ្នកយ៉ាងធ្ងន់ធ្ងរ ជាពិសេសថែមទាំងអាចប៉ះពាល់ដល់តួនាទីបន្សុទ្ធជាតិពុលចេញពីរាងកាយរបស់ថ្លើមតែម្តង។ នៅពេលដែលអ្នកបណ្តោយឱ្យសុខភាពថ្លើមចុះខ្សោយ និងមិនបានយកចិត្តទុកដាក់ថែរក្សា និងលាងសម្អាតជាតិពុលចេញពីថ្លើមនោះទេ វាអាចបណ្តាលឱ្យអ្នកកើតជំងឺយ៉ាងច្រើន ដូចជាទាក់ទងនឹងសុខភាពបេះដូង តម្រងនោម សួត ថែមទាំងអាចឈានទៅរកជំងឺរលាកថ្លើម និងខ្លាញ់នៅក្នុងថ្លើមជាដើមផងដែរ។
ចំណែករោគសញ្ញាដែលបញ្ជាក់ប្រាប់ថាថ្លើមរបស់អ្នកពោរពេញដោយជាតិពុល និងត្រូវការលាងសម្អាតជាបន្ទាន់មានដូចជា៖ ការឡើងទម្ងន់ ប្រតិកម្មស្បែកអាលែក្ស៊ីស្បែក(រមាស់) គ្មានកម្លាំងកំហែង បែកញើសច្រើន ឡើងមុនមិនបាត់ មានក្លិនមាត់មិនល្អ និងរោគសញ្ញាជាច្រើនផ្សេងទៀត។
ប្រសិនជាអ្នកកើតមានបញ្ហាទាំក់ទងនឹងថ្លើមបែបនេះគួរធ្វើយ៉ាងណា? កុំបារម្ភ! ពេលនេះអ្នកមិនបាច់ចំណាយពេលទៅមន្ទីរពេទ្យដើម្បីធ្វើការព្យាបាលទៀតនោះទេ វិធីធម្មជាតិធ្វើភេសជ្ជៈមួយប្រភេទនេះ ក៏អាចជួយលាងសម្អាតជាតិពុល និងធ្វើឱ្យថ្លើមរបស់អ្នកមានសុខភាពល្អបានដែរ។
កុំនៅរង់ចាំយូរមកតាមដានវិធីធ្វើទាំងអស់គ្នាដូចខាងក្រោម៖
# វិធីធ្វើភេសជ្ជៈងាយៗជំនួយសុខភាព និងសម្អាតថ្លើម
គ្រឿងផ្សំរួមមាន៖
- ស្លឹកជីរអង្កាម ១បាច់
- ទឹកក្រូចឆ្មារសម្បកលឿង ១ផ្លែ (ក្រូចឆ្មារធម្មតាក៏បាន)
- សម្បកក្រូចឆ្មារសម្បកលឿង ដែលឈូសល្អិតៗ (ក្រូចឆ្មារធម្មតាក៏បាន)
- ទឹកក្រូច ១ផ្លែ (ក្រូចពោធិ៍សាត់ក៏បាន /ក្រូចក្រហម ឬក្រូចអ្វីក៏បាន)
- ទឹកស្អាត ១លីត្រ
- ទឹកឃ្មុំបន្តិចដើម្បីបង្កើនរសជាតិ
ការអនុវត្ត
- ជាដំបូងដាំទឹក រួចដាក់ស្លឹកជីរអង្កាម ទុកឱ្យពុះរយៈពេល ៥នាទី សឹមបិទភ្លើងទុកវាចោលមួយអន្លើ
- យកទឹកក្រូច ទឹកក្រូចឆ្មារសម្បកលឿង និងសម្បកក្រូចឆ្មារសម្បកលឿងដែលឈូសល្អិតៗ កូរលាយបញ្ចូលគ្នាឱ្យសព្វជាមួយទឹកជីរអង្កាម
- ជាចុងក្រោយ អ្នកអាចបន្ថែមទឹកឃ្មុំតាមការចូលចិត្ត ដើម្បីបង្កើនរសជាតិមុននឹងយកមកទទួលទាន។
ការប្រើប្រាស់៖ អ្នកអាចទទួលទានភេសជ្ជៈមួយនេះ ទាំងនៅក្តៅឧណ្ណៗ និងត្រជាក់ ដើម្បីធ្វើការលាងសម្អាតជាតិពុលចេញពីក្នុងថ្លើម និងជួយធ្វើឱ្យប្រព័ន្ធរំលាយអាហារដំណើរការបានល្អ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]