ថៃ៖ ថ្មីៗនេះការប្រលងប្រជែងរាជនីកំពូលសម្រស់ Miss Universe ប្រចាំឆ្នាំ ២០១៧ ទើបតែបញ្ចប់ទៅប៉ុណ្ណោះ ដោយទីបំផុតគេបានរកឃើញបវរកញ្ញា Demi Leigh Nel Peters មកពីប្រទេសអាហ្រ្វិកខាងត្បូង គឺជាម្ចាស់មកុដ ក្នុងកម្មវិធីដ៏អស្ចារ្យមួយនេះ។
នៅក្នុងនោះផងដែរ ក៏មានបរវកញ្ញាអាស៊ីម្នាក់ ដែលជាប់ដល់វគ្គកំពូលទាំង ៥ (Top 5) គឺបានទៅលើបវរកញ្ញា Maria Poonlertlarp របស់ប្រទេសថៃ។
ហើយនៅពេលនេះ ថៃក៏បានធ្វើការបោះឆ្នោត (Vote) នៅលើបណ្តាញសង្គមសាជាថ្មី ដើម្បីរកបវរកញ្ញា Miss Universe ប្រចាំឆ្នាំ២០១៨ ជាបន្តផងដែរ។
ចំណែកឯលទ្ធផលវិញ គឺបានទៅលើតារាសម្តែងស្រីស៊ិចស៊ីនាង Poo Praya ដែលជាកូនកាត់ថៃ-ស៊ុតអែត បានទទួលការបោះឆ្នោតគាំទ្រច្រើនជាងគេ ឱ្យជាប់ជាបវរកញ្ញា Miss Universe ប្រចាំឆ្នាំ ២០១៨ តំណាងឱ្យប្រទេសថៃ តាមរយៈការ Vote ពីអ្នកលេងអីុនធឺណេតនៅក្នុងស្រុក។
គួរឱ្យដឹងដែរថា តារាសម្តែងស្រីរូបនេះ មានការប្រើប្រាស់ភាសាអង់គ្លេស បានយ៉ាងល្អស្ទាត់ជំនាញ ហើយបច្ចុប្បន្ននេះ នាងក៏ជាទូតសុច្ឆន្ទៈប្រចាំនៅអង្គការសហប្រជាជាតិ ទទួលបន្ទុកខាងជនភៀសខ្លួន (UNHCR) ផងដែរ៕
រង់ចាំមើលទាំងអស់គ្នាថា តើថៃនឹងបញ្ជូនតារាសម្តែងស្រីរូបនេះ ទៅប្រកួតបវរកញ្ញា Miss Universe ប្រចាំឆ្នាំ ២០១៨ នៅលើឆាកអន្តរជាតិពិតមែន ឬយ៉ាងណា?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]