ភ្នំពេញ៖ តារាចម្រៀងប្រុស ប្រចាំផលិតកម្មរស្មីហង្សមាស លោក ឆន សុវណ្ណរាជ កំពុងតែមាន ប្រជាប្រិយភាពបន្ថែមទៀត ស្របពេលលោក បានគ្រងតំណែងជាតួឯក ប្រុសក្នុងរឿងភាគមួយដ៏ល្បី។
ទន្ទឹមនឹងនេះផងដែរ នាព្រឹកមិញនេះ ស្រាប់តែតារាប្រុសរូបនេះ បានបង្ហោះរូបជាច្រើនសន្លឹក ដោយភ្ជាប់ជាមួយCaption ដ៏គួឲ្យភ្ញាក់ផ្អើលថា៖ “អរុណសួស្តីបាទ ថ្ងៃនេះខ្ញុំបាទនិងក្រុមការងារជាច្រើនអ្នកតំណាងឲ្យប្រទេសកម្ពុជាចេញដំណើរទៅចូលរួមសម្តែងក្នុងកម្មវិធីមហោស្រពតន្រ្តីចម្រៀងអាស៊ាននៅប្រទេសចិន នេះគឺជាកិត្តិយសមួយដ៏ពិសេសសំរាប់ខ្ញុំបាទដែលបានចូលរួមសម្តែងក្នុងកម្មវិធីនេះ លាសិនហើយណាបងប្អូនទាំងអស់គ្នា ជួបគ្នាសប្តាហ៍ក្រោយ” ។
នេះគឺជារឿងមួយ ដ៏អស្ចារ្យសម្រាប់លោក ឆន សុវណ្ណរាជ ព្រោះថាទាំងនេះ គឺជាមុខមាត់ប្រទេសទាំងមូល ហើយក៏ជាកិត្តិយសរបស់លោក ដែលជាតារាប្រុសម្នាក់ សម្រាប់តំណាងប្រទេស ក្នុងកម្មវិធីមហោស្រពតន្រ្តី ចម្រៀងអាស៊ាន នៅឯប្រទេសចិនផងដែរ។
យ៉ាងណាមិញ ក៏មានអ្នកគាំទ្រជាច្រើន បានជូនពរលោកឲ្យជួបសុខសុវត្ថិភាព និងទទួលបានជោគជ័យក្នុងការងារមួយនេះ ពេលវិលមកប្រទេសកម្ពុជាវិញ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]