រាជធានីភ្នំពេញ ៖ មហាជនងឿងឆ្ងល់ថា ហេតុអ្វីតារាចម្រៀងលោកខេម ប្រចាំនៅផលិតកម្មថោន បែរជាចូលរួមសម្តែងភាពយន្តឱ្យផលិតកម្មផ្សេងទៅវិញ ខណៈផលិតកម្មថោនក៏មានក្រុមផលិតភាពយន្តដែរនោះ ។
កន្លងមកលោកខេម ពេលជួបអ្នកសារព័ត៌មានមិនដែលនិយាយពីរឿងសម្តែងភាពយន្តទេ គឺនិយាយតែពីរឿងបទចម្រៀងផ្ទាល់ខ្លួនប៉ុណ្ណោះ ។ ដោយឡែកពេលនេះស្រាប់តែលោកខេម ចូលរួមសម្តែងភាពយន្តទៀត ។ វាធ្វើឱ្យតារាចម្រៀងរូបនេះមានប្រជាប្រិយថែមមួយកម្រិតទៀតតាមរយៈភាពយន្ត ។ ការសម្តែងភាពយន្តត្រូវចេះលេងទឹកមុខកាយវិការ ហើយគេរំពឹងថា លោកខេម ពិតជាអាចខិតខំធ្វើបាន ព្រោះមិនសូវជាខុសគ្នាពីរបៀបសម្តែងខារ៉ាអូខេប៉ុន្មានទេ ។
កន្លងមកលេចឮថា លោកខេម បានចុះកិច្ចសន្យាថតកុនឱ្យផលិតកម្មមួយ ។ តាមការឱ្យដឹងផលិតកម្មថោនផ្តល់សិទ្ធិដល់លោកខេមថតភាពយន្ត ព្រោះផលិតកម្មភាពយន្តនោះនឹងជំរុញការផ្សាយពាណិជ្ជកម្មមួយផ្នែកដល់ទូរទស្សន៍ថោន ។ ភាពយន្តដែលលោកខេម ចូលរួមសម្តែងនោះមានចំណងជើងថា «ព្រាយកូនភ្លោះ» ចេញថតក្នុងខែធ្នូនេះបន្ទាប់ពីពិធីក្រុងពលីធ្វើឡើងនៅភូមិកោះដាច់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
