រាជធានីភ្នំពេញ៖ កម្មវិធីប្រកួតថតរូបដ៏ធំតែមួយគត់ក្នុងប្រទេសកម្ពុជា គឺកម្មវិធី «ប្រកួតរូបថត Canon Photomarathon Cambodia ២០១៧» ដែលជាកម្មវិធីផ្តល់ប្រយោជន៍យ៉ាងច្រើនដល់អ្នកស្រលាញ់ វិស័យថតរូបសម្រេចក្តីសុបិន្តរបស់ខ្លួនបានវិលត្រឡប់មកវិញហើយ។
សម្រាប់ឆ្នាំនេះ កម្មវិធីប្រកួតរូបថត Canon Photomarathon Cambodia 2017 ដែលរៀបចំឡើងដោយក្រុមហ៊ុន i-Qlick Marketing ប្រព្រឹត្តទៅនាថ្ងៃទី ៣ ខែធ្នូ ឆ្នាំ២០១៧ នៅទីក្រុងកោះពេជ្រ ។
កម្មវិធីនេះផ្តល់អត្ថប្រយោជន៍យ៉ាងច្រើនសម្រាប់អ្នកដែលស្រលាញ់ខាងវិស័យថតរូប។
អត្ថប្រយោជន៍មួយក្នុងចំណោមអត្ថប្រយោជន៍សំខាន់ៗនោះ គឺបេក្ខជនចូលរួមប្រកួតទាំងអស់នឹងទទួលបានការហ្វឹកហាត់ ការចែករំលែកបទពិសោធន៍ពីអ្នកជំនាញខាងថតរូប ជាមួយគ្នានេះដែរ បេក្ខជនដែលចូលរួមប្រកួតក៏អាចស្វែងពីវិធីសាស្ត្រនៃការថតរូប ការចាប់ប្លង់ល្អៗពីបណ្តាបេក្ខជនដូចគ្នាបានផងដែរ។
អ្វីដែលកាន់តែពិសេសនោះ គឺថាបេក្ខជនដែលមានបំណងចូលរួមប្រកួតក្នុងកម្មវិធីប្រកួតរូបថត Canon Photomarathon Cambodia 2017 អាចប្រើកាមេរ៉ាម៉ាកអ្វីក៏បាន ដោយមិនតម្រូវថាត្រូវតែប្រើកាមេរ៉ាម៉ាក Canon នោះទេ លើកលែងតែប្រើស្មាតហ្វូន និងTablet ប៉ុណ្ណោះដែលមិនអាចអនុញ្ញាតិបាន។
សម្រាប់ការប្រកួតគឺចែកចេញជាពីរប្រភេទផ្សេងគ្នា គឺ ទី ១-សម្រាប់សិស្សានុសិស្សដែលមានអាយុក្រោម ១៨ឆ្នាំ, និង ទី ២-សម្រាប់បេក្ខជនអាយុលើសពី១៨ឆ្នាំឡើង។ កម្មវិធី Canon Photomarathon Cambodia បានរៀបចំឡើងជារៀងរាល់ឆ្នាំ ចាប់តាំងពីឆ្នាំ២០១០ មកម្លេះ ក្នុងគោលបំណងដើម្បីបង្កើនសិល្បៈនៃការថតរូប និងពង្រីកវិស័យថតរូបនៅក្នុងប្រទេសកម្ពុជា។
លោកសែម រដ្ឋា អ្នករៀបចំកម្មវិធីប្រកួតរូបថតនេះបានឱ្យដឹងថា ពីមួយឆ្នាំទៅមួយឆ្នាំចំនួនអ្នកចូលរួមប្រកួតប្រជែងបានកើនឡើងជារៀងរាល់ឆ្នាំ ជាក់ស្តែងកាលពីឆ្នាំ២០១៦ ចំនួនអ្នកចូលរួមប្រកួតមានរហូតដល់ជាង១២០០នាក់ បានកើនឡើង ១៤០០ នាក់សំរាប់ឆ្នាំ២០១៧នេះ ។ យើងជ្រើសរើសអ្នកឈ្នះ១៨នាក់យកទៅប្រគួកនៅខេត្តសៀមរាបរយៈពេល៣ថ្ងៃ ហើយចុងក្រោយជ្រើសយកម្នាក់ដើម្បីយកទៅប្រគួតនៅប្រទេសជប៉ុនផងដែរ។
អ្នករៀបចំកម្មវិធីប្រកួតរូបនេះ បានបន្តទៀតថាកម្មវិធីនេះផ្តល់អត្ថប្រយោជន៍ច្រើន មិនថាអ្នកឈ្នះ ឬអ្នកចាញ់នោះទេ ពួកគេសុទ្ធទទួលបានផលពីការប្រកួតប្រជែងនេះទាំងអស់ពាក់ព័ន្ធនឹងបច្ចេកទេសនៃការចាប់មុំរូបថត ការទទួលបានបទពិសោធន៍ពីអ្នកជំនាញខាងរូបថត ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]