អ្នកធ្លាប់តែដឹងថាផ្លែទាបបារាំងគឺជាផ្លែឈើដែលអាចជួយដល់សុខភាពរាងកាយបានយ៉ាងល្អបំផុត ខណៈពេលដែលស្លឹករបស់វាក៏មានអត្ថប្រយោជន៍មិនចាញ់នឹងផ្លែដែរ។
ប៉ុន្តែគ្រាន់តែប្លែកបន្តិចត្រង់ថាស្លឹករបស់ទៀបបារាំង គឺត្រូវបានគេលាយផ្សំធ្វើវាឲ្យទៅជា "តែ" ដែលយើងហៅថាតែស្លឹកទៀបបារាំងសម្រាប់ជួយដល់សុខភាព។
ហើយការលាយផ្សំរបស់ស្លឹកទៀបបារាំងនេះវាមានប្រសិទ្ធភាពជាច្រើនចំពោះសុខភាពរាងកាយរបស់អ្នក និងមានប្រសិទ្ធភាពខ្ពស់ក្នុងការការពារ ការព្យាបាលទៅនឹងជំងឺជាច្រើនទៀតផង។
១. ជួយបង្កើនប្រព័ន្ធភាពស៊ាំ
ការទទួលទានតែស្លឹកទៀបបារាំង ជាទូទៅវាជួយបង្កើនប្រព័ន្ធភាពស៊ាំ ដោយសារស្លឹកទៀបបារាំងមានផ្ទុកសារធាតុប្រឆាំងនឹងអុកស៊ីតកម្មដ៏ខ្លាំងក្លា និងមានផ្ទុកវីតាមីនC ដែលជួយការពារអ្នកពីផលប៉ះពាល់អាក្រក់នៃរ៉ាឌីកាល់សេរី។
២.ការពារមហារីក
ទទួលទានតែស្លឹកទៀបបារាំងអាចជួយការពារប្រព័ន្ធរាងកាយរបស់អ្នកប្រឆាំងទៅនឹងជំងឺមហារីក និងអាចកាត់បន្ថយផលប៉ះពាល់ដោយការប្រើប្រាស់សារធាតុគីមី។
យោងតាមការសិក្សាមួយដែលត្រូវបានចេញផ្សាយនៅក្នុងទស្សនាវដ្តីផលិតផលធម្មជាតិ (The Journal of Natural Products) បានលើកឡើងថាស្លឹកទៀបបារាំងល្អជាងថ្នាំព្យាបាលដោយសារធាតុគីមីមួយម៉ឺនដងឯណោះ។
ម្យ៉ាងវិញទៀតតែស្លឹកទៀបបារាំងវាដើរតួនាទី ជាអ្នកប្រឆាំងនឹងមហារីក និងអាចប្រើប្រាស់ក្នុងការការពារមហារីកនៅពេលវាចាប់ផ្តើមដំបូងផងដែរ។
៣.ព្យាបាលទឹកនោមផ្អែម
Hypoglycemia គឺត្រូវបានផ្ទុកនៅក្នុងស្លឹកទៀបបារាំងដែលវាអាចជួយក្នុងការព្យាបាលចំពោះអ្នកជំងឺទឹកនោមផ្អែម ដោយHypoglycemiaនេះវាទៅព្យាបាលកម្រិតជាតិស្ករក្នុងឈាមរបស់អ្នកជំងឺ។
នៅក្នុងករណីនេះអ្នកជំងឺទឹកនោមផ្អែមគ្រាន់តែផឹកទឹកតែស្លឹកទៀបបារាំងដើម្បីបន្ថយជាតិស្ករក្នុងខ្លួនរបស់ពួកគេដោយមិនមានផលប៉ះពាល់អ្វីនោះទេ។
៤.ជួយដល់សុខភាពបេះដូង
តែស្លឹកទៀបបារាំងជួយការពារ និងធ្វើឲ្យបេះដូងមាំមួន ហើយថែមទាំងរក្សាឲ្យប្រព័ន្ធរបត់ឈាមល្អទៀតផង។ ទន្ទឹមនឹងនេះផងដែរវាក៏ជួយបន្ថយភាពតានតឹងដល់សរសៃឈាម ដូច្នេះបេះដូងនឹងមានភាពងាយស្រួលក្នុងការបញ្ជូនឈាមទៅគ្រប់ផ្នែកទាំងអស់នៃរាងកាយរបស់អ្នក។
ហើយមួយវិញទៀតនោះវាថែមទាំងជួយកាត់បន្ថយការប្រឈមទៅនឹងជំងឺគាំងបេះដូង និងជំងឺដាច់សរសៃឈាមខួរក្បាលផងដែរ។
៥.រោគឈឺចាប់ក្នុងសន្លាក់ឆ្អឹង(Gout Arthritis)
តែស្លឹកទៀបបារាំង មានលក្ខណៈសម្បត្តិប្រឆាំងនឹងការរលាកដែលជួយក្នុងការព្យាបាលការឈឺចាប់ឆ្អឹងសន្លាក់។
របៀបធ្វើតែស្លឹកទៀបបារំាង
គ្រឿងផ្សំមាន៖
- ស្លឹកទៀបបារាំង(ចំនួនសមល្មម)
- ទឹក (ចំនួនសមល្មម)
វិធីធ្វើ៖
- យកស្លឹកទៀបបារាំងដែលស្ងួត ដាក់ក្នុងទឹកដែលកំពុងពុះ
- ពន្លត់ភ្លើងនៅពេលដែលទឹកពុះនោះក្តៅល្មម ឬទឹកពុះគ្របស្លឹកទៀបបារំាង(ឬហៅថាទុកមួយរំពុះ)
- លើកវាចេញពីចង្ក្រាន រួចទុករយៈពេល២នាទី ឬអ្នកអាចទុកវារយៈពេលចាប់ពី៣០នាទី ដើម្បីឲ្យវាចេញសារធាតុចិញ្ចឹមពីស្លឹកទៀបបារាំងបានល្អ
- ទទួលទានតែស្លឹកទៀបបារាំងយ៉ាងតិច ៣ដងក្នុងមួយថ្ងៃនៅពេលពោះទទេ
ចំណាំ៖ អ្នកអាចទទួលទានតែស្លឹកទៀបបារាំងនៅពេលវាត្រជាក់បាន ឬស្ថិតនៅក្នុងរយៈពេល៨ម៉ោង បន្ទាប់ពីធ្វើតែហើយ ព្រោះវានៅតែរក្សាប្រសិទ្ធភាពរបស់វាដដែល៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]