ភ្នំពេញ៖ នាពេលព្រឹកនេះ ថ្ងៃមង្គលរបស់កំពូលតារាចម្រៀង សុគន្ធ និសា បានចាប់ផ្តើមឡើងយ៉ាងអធិកអធម និងមានភ្ញៀវកិត្តិយសជាច្រើននាក់បានចូលរួមអបអរសាទរ។
នៅក្នុងថ្ងៃនេះដែរ ឃើញថាសម្រស់របស់តារាចម្រៀងរូបនេះ កាន់តែមានភាពស្រស់ស្អាតខ្លាំងឡើង បូករួមនឹងស្វាមីដ៏សាកសមរបស់កញ្ញាផងនោះ។
ដោយឡែក កាលពីព្រឹកមិញនេះមានតារារួមទ្រនំជាច្រើនបានចូលរួម តែអ្នកខ្លះទៀតក៏មិនបានចូលរួមផងដែរ យ៉ាងណាមិញ កម្មវិធីពេលល្ងាចនៅសណ្ឋាគារ សូហ្វីតែល ភ្នំពេញ ភូភីត្រា យប់នេះ ដោយក្នុងនោះកញ្ញាបានអញ្ជើញភ្ញៀវត្រឹមតែ៧០០នាក់ប៉ុណ្ណោះ ពោលគឺមិត្តដែលស្គាល់គ្នាស្និទ្ធ។
ជាក់ស្តែង តារាចំនួន៣រូបបានបង្ហោះសារសុំអភ័យទោស ព្រោះតែមិនបានចូលរួម នៅក្នុងកម្មវិធីរបស់ សុគន្ធ និសា ដែលប្រព្រឹត្តទៅនៅយប់នេះ នៅក្នុងនោះគឺ អ្នកនាងពេជ្រ សោភា អ្នកនាងចន ច័ន្ទលក្ខិណា និងលោក សាវិន ហ្វីលីព ដែលត្រូវមានការងារ នៅក្រៅប្រទេស និងតាមខេត្តផងដែរ ដោយមិនអាចចោលការងារទាំងនោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]