ម្រះព្រៅ ត្រូវបានគេដឹងថាជារុក្ខជាតិម្យ៉ាងដែលគេនិយមយកស្លឹកវាមកធ្វើជាម្ហូបអាហារដ៏មានឱរសជាតិ ដោយសារតែក្លិនដ៏ឈ្ងុយ និងរសជាតិឆ្ងាញ់ពិសារបស់វា។
ម្រះព្រៅក្រៅពីយកមកធ្វើជាមុខម្ហូប គេក៏អាចយកស្លឹកវាមកព្យាបាលជំងឺសើស្បែកជាច្រើនមុខបានផងដែរ ។ នោះក៏ដោយសារតែស្លឹកម្រះព្រៅមានសារធាតុប្រឆាំងអុកស៊ីតកម្ម និងសារជាតិសំខាន់ជាច្រើន ដែលអាចជំនួយសុខភាពស្បែកមុខ ព្យាបាលបញ្ហាផ្ទៃមុខនិងស្បែកបានផងដែរ។
តោះ! មកតាមដានទាំងអស់គ្នា ថាតើស្លឹកម្រះអាចជួយបញ្ហាស្បែកបានអ្វីខ្លះ?
# គុណប្រយោជន៍ម្រះព្រៅសម្រាប់សុខភាពស្បែក
- ព្យាបាលមុខមុន មុនក្បាលខ្មៅ មុនខ្ទុះ និងបញ្ហាមុខមុនជាច្រើនមុខទៀត
- ព្យាបាលជំងឺត្រអក/កន្ទាលត្រអក (ជំងឺសើស្បែកដែលរមាស់ កន្ទួល និងមានទឹករងៃនៅកជើង)
- ព្យាបាល និងប្រឆាំងនឹងជំងឺទាក់ទងនឹងបាក់តេរីផ្សេងៗលើស្បែក
- ជួយធ្វើឱ្យស្បែកមុខស្អាត មានសំណើម ភ្លឺស្រស់ថ្លា ទន់រលោង
- ជួយសម្អាតស្បែកមុខ កម្ចាត់ធូលីដី និងសារធាតុកខ្វក់ពីផ្ទៃមុខពីផ្នែកខាងក្នុង
- កម្ចាត់ស្នាមខ្មៅ និងដក់ក្រោមភ្នែក
- ជួយធ្វើឱ្យស្បែកក្បាល និងសក់ស្រស់ស្អាត រឹងមាំ មានសុខភាពល្អ។
ដើម្បីព្យាបាលជំងឺទាក់ទងនឹងស្បែកមុខខាងលើ អ្នកអាចយកស្លឹកម្រះព្រៅមកអនុវត្តតាមវិធីងាយៗដូចខាងក្រោម៖
# របៀបធ្វើទឹកម្រះព្រៅសម្រាប់សុខភាពស្បែក
គ្រឿងផ្សំ
- ស្លឹកម្រះព្រៅ ១បាច់ល្មម
- ជែលប្រទាលកន្ទុយក្រពើ ១ស្លាបព្រាបាយ
- ទឹកស្អាត កន្លះពែង
ការអនុវត្ត
- បេះស្លឹកម្រះព្រៅលាងទឹកឱ្យស្អាតឱ្យអស់ជាតិដី រួចចិញ្ច្រាំ ឬហាន់ឱ្យល្អិត
- ដាំទឹកឱ្យពុះ រួចបង់ស្លឹកម្រះព្រៅ និងដាក់ជែលប្រទាលកន្ទុយក្រពើចូល រំងាស់ឱ្យចេញជាតិប្រមាណជា ២ ទៅ ៣នាទី ចាំបិទភ្លើងទុកឱ្យត្រជាក់
- អ្នកអាចច្រោះយកតែទឹកម្រះព្រៅ មកលាប និងម៉ាស្សាឱ្យសព្វផ្ទៃមុខជារង្វង់ដែលមានបញ្ហា ឱ្យបាន១០នាទី ចាំលាងចេញជាមួយទឹកក្តៅឧណ្ហៗជាការស្រេច។
- អ្នកអាចអនុវត្តជាប្រចាំដើម្បីបំបាត់បញ្ហាផ្ទៃមុខ មុន បញ្ហាផ្សេងៗ និងធ្វើឱ្យមុខស្រស់ស្អាត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]