ខាន់ ជេម និយាយមិនខ្លាចបាក់មុខ ដែលថា ជីវិតពីមុនរបស់លោក ជាកម្មករទូក!

ភ្នំពេញ៖ ជីវិតរបស់តារាចម្រៀងល្បីៗមួយចំនួន បើមើលពីសម្បកក្រៅពួកគេហាក់មានជីវិត ដ៏ប្រសើរនិងឡូយឆាយ ដែលធ្វើឲ្យមនុស្សមួយចំនួន លួចច្រណែនពីជីវិតរបស់ពួកគេ។

យ៉ាងណាមិញ មុននឹងតារាចម្រៀងល្បីៗ ដែលឈានជើងមកដល់ពេលនេះ ពួកគេខ្លះក៏ធ្លាប់ឆ្លងកាត់ជីវិតកម្សត់ និងមានជីវភាពលំបាកក្នុងជីវិតដូចគ្នា។

ជាក់ស្តែង នាពេលប៉ុន្មានម៉ោងមុននេះ ផ្អែកទៅលើហ្វេសប៊ុកផេក របស់តារាចម្រៀងប្រចាំផលិតកម្មសាន់ដេ លោក ខាន់ ជេម បានបង្ហោះសាររំលឹក អំពីអតីតកាលរបស់ខ្លួន កាលពីលោកមិនទាន់ធ្វើជាតារាចម្រៀងថា៖ “អង្គុយលើក្បាលទូកបែបនេះ នឹកអនុស្សាវរីយ៍កាលពី១៩ឆ្នាំមុន ពេលដែលខ្ញុំទៅចុះទូកនៅប្រទេសថៃណាស់។ កាលដែលខ្ញុំចេញទូកដំបូងក៏ខ្ញុំអង្គុយលើក្បាលទូកបែបនេះដែរ។ កុំអស់សង្ឃឹមអោយសោះ មិនថាយើងជាកម្មករទូក រឺជាកម្មករសំណង់ ឲ្យតែយើងតស៊ូព្យាយាមគង់តែបានសម្រេច កុំបោះបង់ក្ដីស្រមៃឲ្យសោះណាបាទ”។

គួរបញ្ជាក់ផងដែរថា មូលហេតុដែលតារារូបនេះ បង្ហោះសារដូច្នេះ ព្រោះលោកគ្រាន់តែចង់ទម្លាយរឿងអតីត ដែលរូបលោកធ្លាប់ជួបការលំបាកក្នុងជីវិត មុនមានភាពល្បីល្បាញដូចសព្វថ្ងៃនេះ ហើយលោកក៏ចង់ ដាស់តឿនដល់មនុស្សមួយចំនួន កុំឲ្យបោះបង់ក្តីប្រាថ្នារបស់ខ្លួនបើទោះជា ក្នុងស្ថានភាពបែបណាក៏ដោយ៕ 

• ខាន់ ជេមស៍