ខេត្តបន្ទាយមានជ័យ ៖ កម្លាំងនគរបាលឃាត់រថយន្ត១គ្រឿង ពណ៌ត្រេអ៊ី ពាក់ស្លាកលេខជាន់ជាមួយស្លាកលេខក្លែងក្លាយរថយន្តគេចពន្ធដែលត្រូវឃាត់នៅវេលាម៉ោង១១រសៀលថ្ងៃទី២៣ ខែវិច្ឆិកា ឆ្នាំ២០១៧ នៅលើផ្លូវជាតិទល់មុខផ្លូវចូលវត្តតាហី ស្ថិតក្នុងសង្កាត់កំពង់ស្វាយ ក្រុងសិរីសោភ័ណ ។
តាមប្រភពពីព័ត៌មានបានឱ្យដឹងថា កម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានឃាត់រថយន្ត១គ្រឿង ២បាំង ពណ៌ត្រេអ៊ី ដែលពាក់ស្លាក់ ខេមរភូមិន្ទ០៧ ២.៩១១០ ដែលស្លាកលេខជាន់ជាមួយរថយន្តពណ៌ស១គ្រឿងស៊េរីឆ្នាំ២០១៦ដែលពាក់ស្លាក ខេមរភូមិន្ទ០៧ ២.៩១១០ ក្លែងក្លាយដែលរថយន្តគេចពន្ធជនល្មើសនាំចូលតាមច្រករបៀងខុសច្បាប់ ។
គួររំលឹកថា កាលពីថ្ងៃទី១៧ ខែវិច្ឆិកា ឆ្នាំ២០១៧ កន្លងទៅថ្មីនេះកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យសហការជាមួយកម្លាំងនគរបាលស្រុកថ្មពួកបានឃាត់រថយន្ត១គ្រឿង ពណ៌ស ស៊េរីឆ្នាំ២០១៦ ដែលពាក់ស្លាកលេខ ខេមរភូមិន្ទ០៧ ២.៩១១០ ក្លែងក្លាយដែលឈ្មួញឃុបឃឹតជាមួយកម្លាំងឈជើងតាមបន្ទាត់ព្រំដែនលួចនាំចូលរថយន្តគេចពន្ធល្មើស និងច្បាប់ផ្ទុយពីប្រសាសន៍សម្តេចក្រឡាហម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានដាក់វិធានការលុបបំបាត់ច្រករបៀងល្មើសច្បាប់ និងទប់ស្កាត់បទល្មើសតាមបន្ទាត់ព្រំដែន ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
