ធ្លាយរូបនារី ដែលគេសង្ស័យថា គឺជាស្រីស្នេហ៍លួចលាក់ របស់ស្វាមីតារាស្រី Aff Taksaorn!

ថៃ៖ ក្រោយធ្លាយរឿងក្បត់ចិត្តពីស្វាមី តារាស្រីថៃនាង Aff Taksaorn ត្រូវបានមហាជនជាច្រើនសម្តែងក្តីអាណិតអាសូរទៅកាន់នាង និងកូនស្រីយ៉ាងខ្លាំង។

ដោយពូកគេបានគិតថានារីដែលមានរូបឆោមស្រស់ស្អាត ហើយថែមទាំងជាតារាដូចជានាង Aff Taksaorn ទៅហើយ បែរជាត្រូវស្វាមីលួចលាក់ ទៅមានស្រីថ្មីយ៉ាងដូច្នេះសោះ។

ហើយម្សិលមិញនេះ ស្រាប់តែធ្លាយរូបភាពមួយសន្លឹក មានដៃនារីម្នាក់ដាក់លើក្បាលកូនសត្វតោ នៅលើអ៊ីនស្តារក្រាមរបស់លោក Songkran ស្វាមីតារាស្រី Aff Taksaorn ដោយបានធ្វើឱ្យមហាជនមានការសង្ស័យយ៉ាងខ្លាំង។

ហើយនៅពេលនេះរឿងរ៉ាវក៏ត្រូវបានបែកធ្លាយ ដោយសារតែត្រូវគេចាប់កំហុសបានថា ដៃរបស់នារីដែលកាន់ក្បាលកូនសត្វតោនោះ គឺជាដៃរបស់ស្រីស្នេហ៍ថ្មីលោក Songkran ។

ជាក់ស្តែងម្ចាស់ដៃនេះ ត្រូវគេសង្ស័យថាជាដៃរបស់តារាថ្មី វ័យ៣៤ឆ្នាំ ឈ្មោះ Pinsuda Tanphairoh ឬហៅក្រៅ Balloon ដោយនាងធ្លាប់បានបីកូនសត្វតោនេះដូចគ្នា ថែមទាំងមានថ្នាំលាបក្រចកនៅលើដៃ ពណ៌ស្រដៀងគ្នាទៀត។

រឿងនេះកំពុងតែបានធ្វើឱ្យអ្នកលេងបណ្តាញសង្គមនៅក្នុងប្រទេសថៃ មានភាពភ្ញាក់ផ្អើលយ៉ាងខ្លាំង ប៉ុន្តែសាមីខ្លួននៅមិនទាន់ចេញមុខបកស្រាយបំភ្លឺថា ការពិតយ៉ាងណានៅឡើយនោះទេ៕

ទស្សនារូបភាពខាងក្រោម៖  

• ស្នេហា