ខេត្តកំពង់ស្ពឺ ៖ តាមសេចក្តីរាយការណ៍បឋមបានឱ្យដឹងថា សមត្ថកិច្ចបានឃាត់ខ្លួនជនសង្ស័យដែលបានចាប់រំលោភសេពសន្ថវៈលើក្មេងស្រីអស់រយៈពេលជិត១ឆ្នាំ ។ ហេតុការណ៍ឃាត់ខ្លួននេះបានកើតឡើងកាលពីថ្ងៃទី២០ ខែវិច្ឆិកា ឆ្នាំ២០១៧ នៅចំណុចភូមិផ្លូវគោ ឃុំត្រពាំងជោ ស្រុកឱរ៉ាល់ ។
តាមប្រភពព័ត៌មានបានឱ្យដឹងទៀតថា ជនល្មោភកាមខាងលើឈ្មោះ ហង្ស ហ៊ីម ភេទប្រុស អាយុ៤៤ឆ្នាំ រស់នៅភូមិផ្លូវគោ ឃុំត្រពាំងជោ ស្រុកឱរ៉ាល់ ដែលត្រូវជាពូថ្លៃក្មេងស្រីរងគ្រោះឈ្មោះ ស.ខ.ន អាយុ១៧ឆ្នាំ ដែលរស់នៅភូមិ-ឃុំជាមួយគ្នា ។
តាមប្រភពបានបន្ថែមថា ជនសង្ស័យខាងលើបានចាប់រំលោភក្មេងស្រីរងគ្រោះតាំងពីឆ្នាំ២០១៥ ដល់ដើមឆ្នាំ២០១៦មកម្ល៉េះនៅខណៈដែលម្តាយក្មេងស្រីរងគ្រោះមិននៅផ្ទះជននេះតែងតែធ្វើសកម្មភាពរំលោភសេពសន្ថវៈក្មេងស្រីរងគ្រោះជារឿយៗ ហើយដោយបានលួងលោម និងគំរាមក្មេងស្រីរងគ្រោះមិនឱ្យប្រាប់នរណាឡើយ ។
រហូតទើបតែបែកធ្លាយដល់ម្តាយក្មេងស្រីរងគ្រោះឈ្មោះ ស.ន.ន បានដឹងរឿងដែលជនល្មោភកាមរំលោភកូនស្រីរបស់ខ្លួនក៏បានទៅដាក់ពាក្យបណ្តឹងនៅថ្ងៃទី១៧ ខែវិច្ឆិកា ឆ្នាំ២០១៧ ឱ្យសមត្ថកិច្ចជួយអន្តរាគមន៍ចាប់ខ្លួនជនសង្ស័យ ប៉ុន្តែជនសង្ស័យបានដឹងខ្លួនមុនក៏បានរត់គេចខ្លួនបាត់អស់រយៈពេល៣ថ្ងៃ ទើបវិលត្រលប់ចូលភូមិវិញក៏ត្រូវបានសមត្ថកិច្ចក្របួចបាននៅថ្ងៃទី២០ ខែវិច្ឆិកា ឆ្នាំ២០១៧នៅចំណុចភូមិ-ឃុំខាងលើ ។
ក្រោយពីសមត្ថកិច្ចក្របួចបានជនល្មោភកាមខាងលើរួចមកក៏បាននាំខ្លួនទៅសាកសួរនៅប៉ុស្តិ៍នគរបាលដោយជនសង្ស័យបានសារភាពថា ខ្លួនពិតជាបានរំលោភសេពសន្ថវៈក្មេងស្រីរងគ្រោះឈ្មោះ ស.ខ.ន ពិតមែន ។
ក្រោយពីបានសារភាពរួចហើយសមត្ថកិច្ចក៏បានសួរនាំបន្ត ស្រាប់តែបែកធ្លាយរឿងដែលនឹកស្មានមិនដល់មួយទៀត គឺជនសង្ស័យបានរំលោភកូនចុងខ្លួនឯងអស់រយៈពេលជិត២ឆ្នាំមកហើយតាំងពីឆ្នាំ២០១៥មកដែរ ។ ក្រោយសាកសួរពេលនេះជនសង្ស័យត្រូវបានសមត្ថកិច្ចកសាងសំណុំរឿងដើម្បីចាត់ការបន្តតាមនីតិវិធី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]