ពីក្មេងស្រីក្នុងគំនរសំរាម តស៊ូរហូតទទួលអាហារូបករណ៍នៅសាលាល្បី ប្រចាំប្រទេសអូស្ត្រាលី ក្នុងនាមជានិសិ្សតខ្មែរមួយរូប (មានវីដេអូ)

ជីវិតគឺជាការតស៊ូព្យាយាម ពុះពារជំនះរាល់ឧបសគ្គទាំងឡាយទាំងពួង ដើម្បីសម្រេចក្តីសុបិនរបស់ខ្លួន។ តួរយ៉ាងនារីម្នាក់ ធ្លាប់តែជាក្មេងក្នុងគំនរសំរាមគួរឲ្យអាណិត ស្រាប់តែឈ្នះអាហារូបករណ៍បន្តការសិក្សានៅប្រទេសអូស្ត្រាលី បង្កការចាប់អារម្មណ៍ជាខ្លាំង។

បើតាមការឲ្យដឹងពីសំណាក់លោក Scott Neeson ដែលជាស្ថាបនិក និងជានាយកប្រតិបត្តិបត្តិនៃអង្គការមូលនិធិកុមារកម្ពុជា (CCF)  ក្មេងស្រីម្នាក់ត្រូវលោកឲ្យដឹងត្រឹមឈ្មោះ សុភី (Roon Sophy) បានទទួលអាហារូបកណ៍បន្តការសិក្សានៅសាកលវិទ្យាល័យ Trinity College ដ៏ល្បី មានទីតាំងស្ថិតនៅរដ្ឋធានី Melbourne ប្រទេសអូស្ត្រាលី។

គួររម្លឹកកាលពីឆ្នាំ ២០០៥ វិញថា ក្មេងស្រី សុភី កំពុងដើរកាត់គំនរសំរាមមួយកន្លែងក្នុងស្ថានភាពគួរឲ្យស្មោគគ្រោក និងអាណិតអាសូរក្រៃកន្លង ព្រោះនាងគ្មានវាសនាដូចក្មេងៗដទៃ ដែលទទួលការចិញ្ចឹមបីបាច់ ក្នុងគ្រួសារដែលមានជីវភាពរស់នៅសមរម្យ។

ងាកមកមើលនាងពេលបច្ចុប្បន្នវិញ ដោយមានស្មារតីលះបង់ខ្ពស់ គួបផ្សំទៅនឹងភាពបុិនប្រសព្វ សុភី នឹងធ្វើដំណើរសិក្សាក៏ដូចជាទទួលការអប់រំកម្រិតពិភពលោក នារយៈពេលឆាប់ៗខាងមុខនេះ។

ដោយបានឃើញនូវការតស៊ូព្យាយាមរបស់នាង​ អ្នកនិយមលេងអុីនធឺណេតជាច្រើននាក់ បានបង្ហាញក្តីរំភើបរីករាយ ក៏ដូចជាជូនពរឲ្យនាង​ជោគជ័យរាល់ភារកិច្ចសិក្សា​រៀនសូត្រនៅបរទេសផងដែរ៕

ទស្សនាសកម្មភាពរបស់នាង ក្នុងកម្មវិធី Ted Talks ខាងក្រោម៖

• ជីវិត
• ជំរុញទឹកចិត្ត