មិននឹកស្មានថា វីវៈ និច ខ្ពស់ខ្លាំង ដល់ថ្នាក់ ខាន់ ជេម ឈរត្រឹមតែ.....

ភ្នំពេញ៖ តារាចម្រៀងស្រី ក្នុងផលិតកម្ម សាន់ដេ កញ្ញា វីរៈ និច កំពុងតែទទួលបានសន្ទុះប្រជាប្រិយភាពយ៉ាងខ្លាំង ជាមួយនឹងបទចម្រៀងថ្មិៗរបស់នាង ដែលត្រូវចិត្តខ្លាំង ពីសំណាក់យុវវ័យ។

ទន្ទឹមនឹងភាពជោគជ័យ នៅក្នុងសិល្បៈ កញ្ញា ក៏ជាតារាម្នាក់ ដែលមានរូបសម្រស់ស្រស់ស្អាត ក្មេងជាងវ័យ​ ហើយមិនតែប៉ុណ្ណោះ បើនិយាយពីកម្ពស់នាង មិនឲ្យចាញ់តារាម៉ូដែលល្បីៗប៉ុន្មាននោះទេ។

កាលពីម្សិលមិញនេះ វីរៈ និច ក៏បានបង្ហោះរូបថតមួយសន្លឹក ជាមួយនឹង ពូរបស់នាង គឺលោក ខាន់ ជេម ដែលរូបនោះ អាចបញ្ជាក់បានថា នាងពិតជាខ្ពស់មិនធម្មតានោះឡើយ ព្រោះថា លោក ខាន់ ជេម ឈរជិតនាង ត្រឹមតែ ស្លឹកត្រចៀកតែប៉ុណ្ណោះ តែដោយសារពេលនោះ លោក ឈរលើគម្របលូផង កុំអី ប្រហែលជាអាចចាញ់កម្ពស់ និចខ្លាំង។

ក្នុងនោះដែរ អ្នកគាំទ្រ មានការភ្ញាក់ផ្អើល នឹងកម្ពស់របស់នាង ដែលខ្ពស់ មិនធម្មតា ហើយក៏មានអ្នកខ្លះ​ បាននិយាយថា អ្នកដឹកនាំ ពិបាកនឹងរើសតួប្រុសបន្តិចហើយ ប្រសិនបើតម្រូវឲ្យថតជាមួយនឹង វីរៈ និច៕

• ខាន់ ជេមស៍
• និច តារាចម្រៀង