រាជធានីភ្នំុពេញ ៖ សេចក្តីរាយការណ៍បឋមបានឱ្យដឹងថា មានការភ្ញាក់ផ្អើលមួយក្រោយពីស្ត្រីម្នាក់ត្រូវបានកូនស្រីអាយុ៨ឆ្នាំប្រទះឃើញដេកស្លាប់នៅក្នុងផ្ទះ ក្រោយពីនាងត្រឡប់មកពីសាលារៀនវិញ កាលពីវេលាម៉ោង១១និង២០នាទីព្រឹក ថ្ងៃទី២៣ ខែវិច្ឆិកា ឆ្នាំ២០១៧ នេះ ស្ថិតក្នុងបុរីសន្តិភាព២ ផ្ទះលេខ៥៥-១ ក្នុងភូមិត្រាំដោក សង្កាត់ពងទឹក ខណ្ឌដង្កោ ។
សេចក្តីរាយការណ៍បន្តថា ស្ត្រីរងគ្រោះខាងលើត្រូវបានគេស្គាល់ឈ្មោះ ឡេវ មុំ អាយុជាង៣០ឆ្នាំ មានប្តីឈ្មោះ សៀក សុប ជាអ្នកបើកបររថយន្ត ត្រូវបានសមត្ថកិច្ចនាំខ្លួនទៅសាកសួរនៅខណ្ឌ។
បើតាមការពិនិត្យរបស់សមត្ថកិច្ចជំនាញលើសាកសពស្ត្រីរងគ្រោះឃើញមានស្នាមបែកក្បាលហូរឈាម ហើយនៅក្បែរសាកសពឃើញមានអង្រែបុកគ្រឿងមួយផងដែរ ។
ប្រភពចុងក្រោយបានឱ្យដឹងថា សមត្ថកិច្ចកំពុងដាក់ការសង្ស័យរឿងនេះជាករណីប្លន់សម្លាប់ ព្រោះស្ត្រីរងគ្រោះទើបតែទៅខ្ចីលុយគេចំនួន១ម៉ឺនដុល្លារ ដើម្បីរកស៊ី ប៉ុន្តែការចំណាយទើបតែអស់១ពាន់ដុល្លារប៉ុណ្ណោះ ហើយលុយដែលនៅសល់រកឃើញនោះទេ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
